Month: March 2020

Ti Kinatalged dagiti Tattao ti Dios

1 Dagiti agtalek itiApo

arigda iti Bantay Sion

a saan a magunggon, no di ket mataginayon.

2 Kas iti kaadda dagiti bantay iti likmut ti Jerusalem,

kasta met ti kaadda tiApoiti likmut dagiti tattaona,

manipud ita inggat inggana.

3 Ti setro ti kinadakes dinto agtalinaed iti daga dagiti nalinteg

amangan no agaramidda met iti dakes.

4 OApo, kaasiam dagiti naimbag,

ken dagiti nalinteg ti panagpuspusoda.

5 Ngem inton dusaem dagiti dakes ti aramidna,

dusaem met dagiti killo ti panagbiagna.

Adda koma kappia iti Israel!

Kararag a Pagdawat iti Pannakaisalakan

1 Kaskam la agtagtagainep idi

isublinakami tiApoidiay Jerusalem.

2 Kasta unay a katkatawami,

agkakantakami gapu iti rag-o.

Iti kasta, kinuna dagiti sabali a pagilian,

“Impaay tiApokadakuada dagiti bambanag a naindaklan!”

3 Wen, impaayna kadakami dagiti dadakkel a banag,

ket anian a ragsakmi!

4 OApo, isublinakami kadi iti sigud a kinarang-aymi,

kas iti panagayus manen dagiti karayan a nagmaga.

5 Dagiti naglulua bayat ti panagmulada,

agapitdanto koma a siraragsak.

6 Dagiti napan nagbunobon nagsangsangitda a siaawit iti bin-i,

ngem agsublidanto nga agkankanta iti rag-o

a siaawit kadagiti apitda.

Pagdaydayaw iti Kinaimbag ti Dios

1 No saan a ni Yahweh ti mangbangon iti balay,

awan serserbi ti bannog dagiti mangpatakder.

No saan a ni Yahweh ti mangsalaknib iti siudad,

awan serserbi ti panagwanawan dagiti guardia.

2 Awan serserbi ti panagagawa iti panagbiag,

ti nasapa nga ibabangon ken naladaw a pannaturog,

ta ited ni Yahweh ti kasapulan dagiti ay-ayatenna

bayat ti pannaturogda.

3 Dagiti annak sagut ni Yahweh ida,

bunga ken gunggona ti maysa nga ina.

4 Dagiti lallaki nga annak ti agkabannuag a lalaki

kasda la pana iti ima ti mannakigubat.

5 Nagasat ti tao nga adu ti panana a kakasta;

ni kaanoman dinto maparmek inton sangoenna

iti pangukoman dagiti kabusorna.

Ti Gunggona ti Panagtulnog ken ni Yahweh

1 Nagasat dagiti agbuteng ken itiApo;

wen, nagasat dagiti agbiag kas mayannurot iti pagayatanna.

2 Lak-amemto ti bunga ti nagbannogam,

ket naragsak ken narang-aykanto.

3 Agbalinto ti asawam a kas nabunga nga ubas iti balaymo.

Agbalinto met dagiti annakmo a kas kadagiti narukbos nga olibo iti likmut ti lamisaanmo.

4 Kastoyto ti pannakabendision ti tao

nga agtulnog itiApo.

5 Ikararagko a bendisionannaka koma tiApomanipud Sion;

makitam koma a narang-ay ti Jerusalem

iti amin nga aldaw ti biagmo!

6 Napaut koma ti biagmo

tapno makitam dagiti appokom!

Adda koma talna iti Israel!

Kararag a Maikontra kadagiti Kabusor ti Israel

1 Ibagam, O Israel, no kasano ti panangidadanes kenka dagiti kabusormo

manipud pay kinaubingmo.

2 “Nakaro ti panangidadanes kaniak dagiti kabusorko

manipud pay kinaubingko,

ngem pulos a didak naparmek.

3 Nauneg ti panangsugatda iti bukotko,

ket pinagbalinda a kas talon a naarado.

4 Ngem nalinteg tiApo;

winayaannak iti pannakatagabu.”

5 Maparmek ken maibabainto koma

dagiti amin a gumurgura iti Sion.

6 Mayarigda koma iti ruot iti tuktok ti balay,

ruot a magango apaman nga agtubo.

7 Awan manggapas wenno mangreppet

a mangala ken mangitalaw.

8 Awan ti lumabas a mangibaga,

“Sapay koma ta bendisionannaka tiApo!

Iti nagan tiApo, bendisionandaka.”

Kararag a Pagdawat iti Tulong

1 Manipud kaunggan ti panagtuokko,

umawagak kenka, OApo!

2 O Apo, denggem kadi toy asugko,

ipangagmo kadi ti panagpatulongko.

3 OApo, no tutopam dagiti basbasolmi,

siasino ti makalisi iti pannusam?

4 Ngem pakawanennakami,

tapno agbutengkami ken agdayawkam kenka.

5 Sigagagarak a manguray iti tulong tiApo,

ket mangnamnamaak iti saona.

6 Ur-urayek ti Apo;

ad-adda pay ti panangseggak ngem ti panangsegga

dagiti agbambantay iti idadateng ti bigat.

7 O Israel, agtalekka itiApo,

ta saan nga agbalbaliw ti ayatna,

ket kanayon a siaayat a mangisalakan.

8 Isalakannantodagiti Israelita

kadagiti amin a basbasolda.

Ti Napakumbaba a Panagtalek iti Dios

1 OApo, inikkatkon ti kinapalangguadko;

inwaksikon ti kinatangsitko.

Diak maseknan kadagiti naindaklan a banag

wenno kadagiti nakaskasdaaw a diak matukod.

2 Ngem mapnekak, awan pakaburiborak;

kas iti ubing a naulimek iti saklot ni inana,

naulimek met ti pusok iti unegko.

3 O Israel, agtalekka itiApo,

ita ken iti agnanayon nga awan inggana.

Panangidayaw iti Templo

1 OApo, lagipem kadi ni David,

ken ti amin a sinagabana.

2 Lagipem met, OApo, ti inkarina,

ti kari a sinapataanna kenka,

a Mannakabalin a Dios ni Jacob:

3 “Saanakto nga agawid wenno mapan iti iddak;

4 saanak nga aginana, diak ikidem dagiti matak,

5 agingga a maipaayak iti lugar tiApo,

iti pagnaedan ti Mannakabalin a Dios ni Jacob.”

6 ItiEfrata,nadamagmi ti maipapan iti Lakasa ti Tulag,

ket nasarakanmi kadagiti tantanap ti Jearim.

7 Kinunami, “Intayo iti balay tiApo,

agdaydayawtayo iti sakaanan ti tronona!”

8 Umayka iti Templo, OApo,

agraman ti Lakasa a simbolo ti bilegmo

ket agyanka ditoy iti agnanayon awan inggana.

9 Aramiden koma dagiti papadim ti rumbeng ken umno;

agdir-i koma iti rag-o dagiti bukodmo a tattao.

10 OApo, nagkarika idi ken ni David nga adipenmo;

dimo kadi laksiden ti pinilim nga ari.

11 Sinapataamti karim ken ni David,

ket saanmonto a paglikudan:

“Isaadkonto nga ari ti maysa kadagiti annakmo,

ket sumarunonto kenka nga agtugaw iti trono.

12 No napudno dagiti annakmo iti tulagko

ken dagiti ibilinko kadakuada,

agarinto met a kas kenka iti agnanayon dagiti sumarsaruno a kaputotanda.”

13 Pinili ni Yahweh ti Sion;

kayatna a sadiay ti pagnaedanna:

14 “Ditoyto ti pagyanak iti agnanayon;

ditoyto ti kayatko a pagturayan.

15 Itedkonto iti Sion ti amin a kasapulanna;

ikkakto dagiti napanglaw nga agnaed kenkuana

iti taraon agingga a mapnekda.

16 Bendisionakto dagiti papadina iti amin nga aramidda;

idir-into dagiti tattaona ti ragsakda.

17 Ditoy,patuboekto ti maysa a saranga agpaay ken ni David;

nangisaganaak iti pagsilawan a maipaay iti pinilik.

18 Lemmesekto iti bain dagiti kabusorna,

ngem rumang-ayto ti pagarianna.”

Pagdayaw iti Nainkakabsatan nga Ayat

1 Nagimbagen, wen, nagsayaaten

a dagiti tattao ti Dios

agnaedda a naurnos ken sangsangkamaysa.

2 Awan dumana iti napateg a lana

a naibukbok iti ulo ni Aaron ken nagaruyot iti barbasna,

agingga a nagayus iti kuelio ti kagayna!

3 Kas iti linnaaw idiay Bantay Hermon

nga agtinnag iti katurturodan ti Sion!

Sadiay ti nangikarian ni Yahweh iti bendisionna—

biag nga agnanayon awan inggana.

Maawis dagiti Tattao nga Agdaydayaw ken ni Yahweh

1 Umaykay agdaydayaw itiApo,

dakay amin nga adipenna.

Wen, dakayo a rinabii nga agserserbi iti Templona.

2 Agkararagkayo iti Templo a sitatag-ay dagiti imayo,

ket agdaydayawkayo itiApo.

3 Sapay koma ta manipud Sion

bendisionannakayo tiApo

a nangparsua iti langit ken daga.