Category: Dagiti Salmo

Ti Pudno a Kinagasat

1 Nagasat ti tao a di mangipangag

iti pammagbaga dagiti managdakdakes,

dina tuladen ti aramid dagiti managbasol,

ken di makikadua kadagiti mangrabrabak iti Dios.

2 Pagragsakanna ketdi ti Linteg ni Yahweh;

aldaw-rabii a basbasaen ken ut-utobenna.

3 Mayarigiti kayo a naimula iti igid ti waig.

Nalangto latta dagiti bulongna

ken agbunga iti tiempona.

Agballigi iti amin nga aramidenna.

4 Saan a kasta dagiti managdakdakes;

kasda la taep a maitayab no agangin.

5 Ukomento ngarud ida ti Dios,

ket mailaksiddanto iti gimong dagiti nalinteg.

6 Tarabayen ni Yahweh dagiti nalinteg, salaknibanna ida;

ngem dagiti managdakdakes agturongda iti pakadadaelanda.

Ti Ari a Pinili ti Dios

1 Apay a panggepen dagiti nasion ti umalsa?

Apay nga agtutulagda iti awan serserbina?

2 Agtutulagnga agmaymaysa dagiti agtuturayda

busorenda tiApo, ken iti ari a pinilina.

3 Kunada, “Lumapsuttayo iti panangiturayda,

duprakentayo ti pannakabalinda.”

4 Iti tronona sadi langit, agkatawa tiApo

ket laisenna ti nakapuy a panggepda.

5 Makaunget a mangballaag kadakuada;

butbutngenna ida iti pungtotna.

6 Kunana, “Insaadko ti arik idiay Sion

a nasantoan a turodko.”

7 Kunati ari, “Ipakaammok ti imbilin tiApo.

Kinunana kaniak, ‘Sika ti anakko,

Ita nga aldaw, nagbalinak nga amam.

8 Agkiddawka ket itedko amin a nasion kenka;

kukuamto ti entero a daga.

9 Dadaelemtoida iti sarukod a landok,

burakemto ida a kasla banga.’”

10 Ita, dakayo nga ar-ari, denggenyo ti ballaagko;

dakayo a turayen ti lubong,

adalenyo daytoy a sursuro:

11 Agserbikayo a sibubuteng itiApo;

sipipigergerkayo nga

12 agrukbab kenkuana

amangan no sumged lattan ti pungtotna

ket pukawennakayo.

Nagasat dagiti amin nga agkamang kenkuana.

Kararag iti Bigat a Pagdawat iti Tulong ti Dios

1 OApo, anian a nagadu dagiti kabusorko,

nagadu ketdin dagiti gumura kaniak!

2 Pagsasaritaandak ket kunada,

“Saan a tumulong ti Dios kenkuana!”

3 Ngem sika, OApo, ti salaknibko;

pagballigiennak ket papigsaem ti pakinakemko.

4 Umawagak ken ni Yahweh ket agpatulongak,

ket manipud iti nasantoan a turodna sungbatannak.

5 Agiddaak ket maturogak;

Bumangonak iti agsapa ta agpatpatnag a salaknibannak ni Yahweh.

6 Diak kabuteng dagiti rinibu a kabusor iti likmutko.

7 Umayka, OApo! Isalakannak, Diosko!

Parmekem amin a kabusorko,

ket pukawem ti bilegda a mangdangran kaniak.

8 Aggapu ti balligi itiApo—

bendisionanna koma dagiti bukodna a tattao.

Kararag iti Rabii a Pagdawat iti Tulong ti Dios

1 Ipangagnak kadi, O Dios, no umawagak!

Sika a mangsalaknib kaniak.

Tinulongannak idi nariribukak.

Kaasiannak ket ipangagmo toy kararag!

2 Dakayo a tattao, kaano ti panagsardengyo a manglalais kaniak?

Kasano ti kabayag nga ayatenyo ti awan serserbina

ket ipamaysayo ti ulbod ken panangallilaw?

3 Laglagipenyo a pinili tiApodagiti nalinteg a maipaay kenkuana,

ket denggennak no awagak.

4 Agbutengkayoket dikay agbasol;

panunotenyo a naimbag daytoy a sao,

no agiddakayo a naulimek iti katreyo.

5 Idatonyo dagiti rumbeng a daton

ket agtalekkayo kenkuana.

6 Adu ti agkuna iti kararagda,

“Yad-adum koma ti bendisionmi!

OApo, maasika kadi kadakami!”

7 Ngem ti rag-o nga intedmo kaniak,

dakdakkel nga adayo ngem ti rag-o dagiti aduan pagay ken arak.

8 Apaman nga agiddaak, makaturogak a sitatalna;

ta sika laeng, OApo, ti mangted iti natalged nga inana.

Kararag a Pagdawat iti Pannakasalaknib

1 Denggem, OApo, ti asugko;

timudem dagiti balikasko.

2 Ipangagmo kadi, O Arik ken Diosko,

ti panagdawatko iti tulongmo.

Agkararagak kenka, OApo.

3 Mangngegmo ti timekko iti bigat,

no sumingising ti init agkararagak,

ket urayek ti sungbatmo kaniak.

4 Saanka a Dios a maragsakan iti kinakillo;

dimo ipalubos nga adda agaramid iti kinadakes.

5 Awan lugar dagiti natangsit iti ayanmo,

ta kaguram amin nga agaramid iti kinadakes.

6 Dadaelem dagiti naulbod, OApo,

ket umsiem ti narungsot ken manangallilaw.

7 Ngem gapu iti naindaklan nga ayatmo,

makastrekak iti balaymo;

makapagdaydayawak iti Templom a nasantoan,

ket agrukbabak a siraraem iti sangoanam.

8 Idalannak, OApo, nga agaramid iti pagayatam,

agsipud ta adu dagiti kabusorko.

Iturongnak a magna iti dalanmo.

9 Tisao dagiti kabusorko saan a mapagtalkan;

ti la mangdaddadael ti inda tartarigagayan.

Kasla silulukat a tanem ti ngiwatda,

nalamuyot ngem bin-ig a pangallilaw ti saoda.

10 Diosko, ukomem ken dusaem ida;

dagiti koma panggepda ti pakadadaelanda.

Iti imatangmo, pagtalawem ida

gapu iti adu a basolda

ken iti panangbusorda kenka.

11 Ngem agrag-o amin nga agtalek iti pannalaknibmo;

mabalinda latta ti agkanta iti rag-o.

Salaknibam dagiti agayat kenka,

ta gapu kenka masarakanda ti pudno a ragsakda.

12 Bendisionam, OApo, dagiti agtulnog kenka,

kasla kalasag ti ayatmo a mangsalaknib kadakuada.

Kararag a Pagdawat iti Tulong iti Tiempo ti Pannakariribuk

1 OApo, dinak kadi ungtan no makapungtotka,

dinak kadi dusaen no makapungtotka!

2 Kaasiannak kadi, OApo, ta napaksuyanak;

papigsaennak ta awanen a pulos ti pigsak.

3 Mariribuk unay toy kararuak.

OApo, kaanonto a tulongannak?

4 Umayka, OApo, ket isalakannak;

gapu iti ayatmo, ispalennak.

5 Awan makalagip kenka iti lubong dagiti natay;

iti tanem, awan ti mangitan-ok kenka sadiay.

6 Iti kasta unay a ladingitko, napaksuyanak,

iti rinabii a panagsangsangitko maslep ti iddak,

mabasbasa ti punganko kadagiti luluak.

7 Kumudrepen ti panagkitak;

lumlumtegen dagiti matak iti kasasangitko

gapu kadagiti amin a kabusorko.

8 Adaywandak,dakayo a dakes a tattao!

Denggen tiApodagiti sasaibekko.

9 Ipangagna ti dawatko;

sungbatanna dagiti kararagko.

10 Mariknanto dagiti kabusorko

ti saem ti pannakaabak.

Kellaat a mawarawarada, ket mapagtalawdanto.

Kararag a Pagdawat iti Pannakaited ti Hustisia

1 OApoa Diosko, kenka agkamangak;

isalakannak kadagiti amin a kumamkamat kaniak,

2 amangan no kasda la leon a mangipanaw kaniak,

ket iti lugar nga awan mangisalakan, lasanglasangendak.

3-4 OApoa Diosko, no adda nakabasolak;

no adda gayyemko a liniputak,

wenno adda kabusor nga awan gapuna a rinanggasak,

no adda inaramidko kadagitoy—

5 kamatendak koma dagiti kabusorko ket tiliwendak,

rangrangkayen ken papatayendak,

ket panawandak iti daga a nakapasagak!

6 Tumakderka iti ungetmo, OApo,

ket sarangtem ti pungtot dagiti kabusorko!

Agriingka ket tulongannak, O Diosko,

ket ipaaymo ti hustisia nga inkeddengmo.

7 Urnongem dagiti amin a tattao iti likmutmo,

ket iturayam ida manipud ngato.

8 Sika ti mangukom iti sangkataoan.

Yetnagmo kaniak, OApo, ti pangngeddengmo,

ta pagaammom nga awan basolko.

9 Pagsardengemti kinadakes dagiti nakillo,

ket dawatek a gunggonaam dagiti naimbag a tattao.

Nalintegka, O Dios;

usigem dagiti panunot ken tarigagaymi.

10 Ti Dios ti kalasagko;

isalakanna dagiti agtulnog kenkuana.

11 Ti Dios nalinteg a hues,

ukomenna nga ukomen dagiti managdakdakes.

12 No dida baliwan dagiti dalanda,

asaen ti Dios ti kampilanna.

Isaganana ti bai ti panana.

13 Alaenna dagiti natatadem nga igamna,

ket ipaturongna ti sumsumged a panana.

14 Kitaem no kasano ti panagpanunot ti dakes a tao;

planoenna ti riribuk, aramidenna ti kinaulbod.

15 Ngem ti palab-og nga inaramidna,

isu met laeng ti pakatnaganna!

16 Madusa gapu met laeng iti kinadakesna;

madangran gapu met laeng iti kinaranggasna.

17 Agyamanak itiApogapu iti kinalintegna,

Agkantaak kadagiti pagdaydayaw itiApoa Kangatoan.

Ti Dayag ti Dios ken ti Tan-ok ti Tao

1 OAponga Apomi,

iti sangalubongan, makita ti kinatan-okmo!

Dumanon sadi langit ti pannakaidaydayawmo

2 ngaikanta dagiti ubbing ken maladaga.

Natalgedka ket awan pakaan-anoam kadagiti kabusormo;

pasardengem ti amin a sumuppiat kenka.

3 No tangadek ti langit nga inaramidmo,

ti bulan ken dagiti bituen nga insaadmo—

4 aniati tao tapno isut’ panunotem?

Tao laeng ngem isut’ asikasoem.

5 Pinarsuam ti tao a nababbaba ngem sika

ket ti dayag ken dayaw kenkuana imbalangatmo.

6 Pinagturaymoiti amin a parsua.

Insaadmo amin a banag iti sakaananna:

7 dagiti karnero ken baka, ken uray dagiti atap nga animal,

8 dagiti tumatayab, dagiti ikan ken amin a parsua iti taaw.

9 OAponga Apomi, makita ti kinadayagmo iti sangalubongan!

Kararag a Pagyaman iti Kinalinteg ti Dios

1 Iti amin a pusok, OApo,

agyamanak kenka;

amin a nakaskasdaaw nga aramidmo saritaek ida.

2 Gapu kenka, agkantaak a sirarag-o.

Ikantak, O Kangatoan, ti pagdaydayaw iti naganmo.

3 Agsanud dagiti kabusorko no agparangka;

mapasagda ket matayda.

4 Nalinteg ken pudno dagiti pangngeddengmo,

ket nainkalintegan ti sentensiak nga impaulogmo.

5 Dinusam dagiti saan a mamati,

dagiti managdakdakes dinadaelmo;

saandan a malaglagip uray inton kaano man.

6 Wen, dagiti kabusor namimpinsan a pinarmekmo,

dinadaelmo dagiti siudadda,

ket pinukawmo amin a pakalaglagipanda.

7 Ngem agari ni Yahweh iti agnanayon;

insaganana ti tronona a mangukom.

8 Agturay a sililinteg iti lubong;

awan idumdumana ti panangukomna kadagiti nasion.

9 Ni Yahweh ti pagkamangan dagiti mairurumen;

natalged a sarikedked iti nariribuk a panawen.

10 Talkendaka, OApo, dagiti makaammo kenka,

dagiti agkamang kenka dimo baybay-an ida.

11 Agkantakayo kadagiti pagdayawyo itiAponga agturay idiay Sion!

Dagiti inaramidna ipakaammoyo kadagiti nasnasion.

12 Silalagip ti Dios kadagiti agsagsagaba;

wen, dina malipatan dagiti sangsangitda,

ket dusaenna dagiti mangranggas kadakuada.

13 Kaasiannak,OApo, kaasiannak!

Kitaem ti panangranggas dagiti gumura kaniak.

Iti patay, OApo, isalakannak,

14 tapno idiay Jerusalem

agparangak kadagiti tattao,

ket ipakaammok

kadakuada ti gapu nga agdaydayawak kenka.

Agragsakak agsipud ta insalakannak.

15 Nagkali dagiti Hentil iti abut a nakatnaganda;

nasiloanda iti iket nga impakatda.

16 Impakaammo tiApo

ti bagina babaen kadagiti nalinteg a pangngeddengna,

ket masiloan dagiti nakillo iti aramidda.

17 Patay ti tungpal ti amin a managdakdakes,

kasta met dagiti saan nga umawat iti Dios.

18 Saan a kanayon a mabaybay-an dagiti napanglaw;

ti namnama dagiti mailupitlupit saan met a mapukaw.

19 Tumakderka, OApo,

dimo ipalubos a karitendaka dagiti tattao!

Ummongem dagiti saan

a mamati ket ukomem ida iti saklangmo.

20 Ikkam ida iti pagbutnganda, OApo,

tapno maammoanda a tattaoda laeng.

Kararag a Pagdawat iti Tulong ti Dios

1 OApo, apay nga adayoka unay kaniak?

Iti tiempo ti riribuk, apay nga ilemmengannak?

2 Napalangguad ti managdakdakes ket idadanesna ti marigrigat.

Matnag koma iti palab-og nga inna impakat.

3 Pagpangas ti managdakdakes ti dakes a tarigagayna;

iti kinaagumna, agilunod ket laisenna ni Yahweh.

4 Iti kinatangsitna kastoy ti kunkunana,

“Awan ti Dios; saanak nga agsagaba!”

Kastoy ti kanayon a pampanunotenna.

5 Agballigi iti amin nga aramidna.

Dina maawatan dagiti pangngeddeng ti Dios;

laisenna dagiti kabusorna.

6 Kunana iti bagina, “Diakto pulos maan-ano;

diakto mariribuk uray inton kaano.”

7 Pasiga lunod, ulbod, ken pammutbuteng ti sasawenna;

makapaldaang ken nagubsang dagiti balikasna.

8 Aglemmeng iti lugar nga awan matagtagitao;

aguray sadiay a pumatay kadagiti awan basolna.

Siimenna dagiti sanebenna nga awan gawayna.

9 Aguray a kas leon iti paglemlemmenganna.

Agpadpadaan sadiay iti napanglaw;

ket ipanawna ti natiliw iti palab-ogna.

10 Napasag ti tao, awan gawayna;

naparmek iti inaayup a pigsa.

11 Kuna ti managdakdakes iti nakemna,

“Ti Dios nanglipaten!

Inlemmengna ti rupana kaniak!”

12 Dusaem, OApo, dagiti managdakdakes!

O Dios, dimo liplipatan ti agsagsagaba.

13 Apay, O Dios, nga umsiennaka ti managdakdakes

ket kunana iti bagina, “Diakto lak-amen ti ipatayna a dusa”?

14 Ngem saanka a nakakidem;

makitam ti panagrigat ken panagsagaba

ket sisasaganaka a mangted iti tulong.

Kumamang kenka ti awan gawayna,

ken tultulongam ti awan amana.

15 Dadaelem ti pigsa dagiti dakes ken killo;

dusaem ida gapu iti kinadakesda;

agingga a saandan nga agaramid iti kasta.

16 Ni Yahweh isu ti ari nga awan inggana;

mapukawto dagiti agdaydayaw

kadagiti didiosen iti dagana.

17 Mangngegmo, OApo, ti kararag dagiti nanumo;

papigsaem ti pakinakemda.

18 Ipangagmo ti asug dagiti maidadanes ken dagiti ulila,

ket iti panangukommo, ipaaymo ti kalinteganda

tapno ti tao saannan a butbutngen ti padana.