Category: Dagiti Salmo

Kari ti Maysa nga Ari

1 Agkantaak maipapan

iti hustisia ken kinapudno,

ket ikantak kenka, OApo.

2 Awanto ti pakapilawan ti panagbiagko;

kaanonto kadi ti yaaymo kaniak?

Agbiagakto a natakneng

iti uneg ti balayko.

3 Diakto ipalubos ti dakes nga aramid iti imatangko.

Kagurak ti aramid dagiti sumina iti Dios;

awan pakasapulak kadakuada.

4 Diakto agpanunot iti dakes;

diakto makiraman iti dakes nga aramid.

5 Pukawekto ti siasinoman a mamadpadakes;

wen, iti nalimed a pammadpadakes iti kaarrubana.

Saanko a kapulapol

ti natangsit ken napasindayag.

6 Anamongak dagiti napudno iti Dios,

ket agtaengdanto iti palasiok.

Mapalubosanto nga agserbi kaniak

dagiti nadalus ti panagbiagda.

7 Awanto ti naulbod nga agtaeng iti balayko;

awanto ti managinsisingpet

nga agtalinaed iti imatangko.

8 Inaldawto nga agdadaelak

kadagiti managdakdakes iti dagatayo.

Paksiatekto amin a managdakdakes

iti siudad tiApo.

Kararag ti Mariribuk a Tao

1 OApo, denggem ti kararagko,

agpatulongak ket ipangagmo toy dawatko.

2 Saannak koma nga adaywan no mariribukak.

Denggennak ket darasem ti tumulong kaniak.

3 Kas asuk nga agpukaw ti biagko;

sumsumged ti bagik a kas iti urno.

4 Marsaakak a kas ruot a nagango;

uray iti pannangan, awan ganasko.

5 Gapu iti leddaang ken as-asugko,

kudil laengen ti nangbungon iti tulangko.

6 Kaslaak la tumatayab iti let-ang

arigko iti kullaaw iti langalang.

7 Wenno di makaidna a billit

nga agmaymaysa iti tuktok ti balay.

8 Agmalmalem a pabpabainandak dagiti kabusorko;

pagang-angawanda ti naganko ket ilunlunoddak.

9 Gapu iti pungtot ken ungetmo,

dapu ti taraon nga ipaunegko ket ti

inumek natibnokan kadagiti luak.

10 Pinidutnak sanak impurruak iti adayo.

11 Anniniwan iti malem ti kayarigan ti biagko;

kaslaak la ruot a nagango.

12 Ngem sika, OApo, agnanayonka nga ari;

laglagipendakanto dagiti amin a kaputotan.

13 Tumakderka ket kaasiam ti Sion, bumangonka;

dimtengen ti tiempo ti panangngaasim kenkuana!

14 Ay-ayaten ngamin dagiti adipenmo dagiti batona,

patpatgenda ti tapokna

uray pay no narnarba.

15 Raemento dagiti nasion ti naganmo;

bigbigento dagiti amin nga ari ti bilegmo.

16 Inton bangonen manen tiApoti Sion,

ipakitananto ti kinadayagna.

17 Denggennanto dagiti nabaybay-an a tattaona,

ket ipangagnanto dagiti kararagda.

18 Maisuratto daytoy nga agpaay iti sumaruno a kaputotan,

tapno dagiti tattao a di pay nayanak idaydayawdanto.

19 Timmannawag ni Yahweh manipud ngato a nasantoan a yanna,

manipud langit, kinitana ti daga.

20 Nangngegna ti asug dagiti balud,

ken winayawayaanna dagiti naikeddeng a matay.

21 Iti kasta, ipakaammonto dagiti tattao

ti nagan ni Yahweh idiay Sion.

Madaydayawto idiay Jerusalem,

22 inton aguummong dagiti nasion ken pagarian

tapno agdaydayawda itiApo.

23 Tinukkolna ti pigsak idi agtutuboak

pinaababana dagiti aldaw nga innak panagbiag.

24 Diosko, dimo kadi pay pugsaten ti angesko

ta diak pay la nadanon ti kinalakayko!

Ta sika agnanayonka, OApo.

25 Idiun-unana pinarsuam ti daga.

Inaramidmo dagiti langit

babaen iti bukodmo nga ima.

26 Mapukawda man amin,

agnanayonto latta nga addaka;

marunotdanto amin a kas iti pagan-anay.

Ibellengmonto ida a kas iti kawes,

ket mapukawdanto.

27 Ngem pulos nga awan ti panagbaliwmo;

awan panagpatingga ti biagmo.

28 Agbiagto a sitatalged dagiti annak dagiti adipenmo;

natalgedto dagiti kaputotanda iti babaen ti pannalaknibmo.

Ti Ayat ti Dios

1 Idaydayawmo tiApo,

O kararuak!

Amin nga adda kaniak,

idaydayawyo ti nasantoan a naganna.

2 Amin a kaunggak

idaydayawmo tiApo;

silalagipka koma iti kinamanangngaasina.

3 Pakawanenna ti amin a basolko,

paimbagenna ti amin a sakitko.

4 Yadayonak iti patay

ken bendisionannak iti asi ken ayat.

5 Punnoenna ti biagko iti kinaimbagna

tapno agtalinaedak nga agtutubo ken napigsa a kas iti agila.

6 Ikalintegan ni Yahweh dagiti mailupitlupit;

itdenna kadakuada ti kalinteganda.

7 Impakaammona ken

ni Moises dagiti panggepna;

impakitana kadagiti Israelita

dagiti naindaklan nga aramidna.

8 Managayatken manangngaasi ni Yahweh;

saan a nalaka nga agpungtot, ket di agbalbaliw ti ayatna.

9 Saan a kanayon a mangbabalaw,

saan met nga agnanayon ti pungtotna.

10 Saannatayo a dusaen

kas mayannatup iti basoltayo.

Saannatayo met balsen

kas mayannurot iti labsingtayo.

11 Kas iti kalawa ti nagbaetan ti langit ken daga,

kasta ti ayatna kadagiti agbuteng kenkuana.

12 No kasano ti kaadayo ti laud manipud daya,

kasta met ti kaadayo ti pangikabilanna kadagiti basbasoltayo.

13 Kaasian ti ama kadagiti annakna;

kasta ti panangngaasi ni Yahweh kadagiti agraem kenkuana.

14 Ammona no ania ti nakaaramidantayo;

malagipna a tapoktayo.

15 Mayarig iti ruot ti biag ti tao.

Kas iti sabong iti let-ang

a dumakkel ken lumasbang.

16 Dumteng ti angin ket mapukawen,

awanton ti makakita, dinto agparangen.

17 Ngem kadagiti agdayaw itiApo

agnanayon ti ayatna, awan patinggana.

Kadagiti amin a kaputotan, agpaut ti kinaimbagna.

18 Kasta met kadagiti mangtungpal iti tulagna,

kadagiti napudno a mangannurot kadagiti bilbilinna.

19 Impasdek tiApoti tronona sadi langit,

ket isu ti ari ti amin.

20 Idaydayawyo tiApo, dakayo a mannakabalin

ken napipigsa nga anghelesna,

dakayo a dumngeg ken agtulnog iti bilinna.

21 Idaydayawyo tiApo,

dakayo a nailangitan a pannakabalin,

dakay a babaonenna nga agtungpal iti pagayatanna.

22 Idaydayawyo tiApo,

dakayo amin a parsuana,

iti amin a disso a pagturayanna.

O kararuak, idaydayawmo tiApo.

Ti Panangidaydayaw iti Namarsua

1 O kararuak, idaydayawmo tiApo.

OApoa Diosko,

anian a tan-okmo!

Dayaw ken daeg ti kawesmo;

2 nabungonka iti lawag a kasla pagan-anay.

Inukradmo dagiti langit a kasla tolda,

3 ket impasdekmo ti bukodmo a palasio

iti rabaw dagiti danum iti ngato.

Aramatem dagiti ulep a kas lugan;

dagiti payak ti angin ti pagsakayam.

4 Aramatemdagiti angin a kas babaonem ken

dagiti gumil-ayab nga apuy a kas adipen.

5 Insaadmo a naimbag ti fondasion ti daga,

ket pulos a dinto makuti ti pamuonna.

6 Mangliwengliweng a taaw ti inyaplagmo a kagayna

ket dagiti bambantay nalapunosda.

7 Ngem idi nakapungtotka, dagiti danum nagtalawda;

idi mangngegda ti bilinmo,

dagus a pimmanawda.

8 Nagayusda kadagiti bambantay ken tantanap;

napanda iti disso nga inka insangrat.

9 Nangikabilka iti beddeng

a dida mabalin a lasaten

tapno ti daga didan layusen.

10 Pinartuatmo dagiti ubbog iti tantanap,

ket nagayus ti danumda iti baet dagiti turod.

11 Ditoy ti paginuman dagiti ayup ti tay-ak;

ditoy met ti pangep-epan iti wawda dagiti asno nga atap.

12 Iti kakaykaywan iti arubayan

agumok ken agkakanta dagiti tumatayab.

13 Manipud langit, yegmo ti tudo kadagiti bantay,

ket mapno ti daga iti pagimbagan.

14 Pagtuboem dagiti ruot nga agpaay kadagiti animal,

kasta met dagiti mula nga agserbi iti tao

tapno mapataudda dagiti taraon iti daga.

15 Agaramid iti arak a mangparagsak kenkuana,

lana ti olibo a mangparaniag iti rupana

agraman tinapay a mangted iti pigsana.

16 Nabuslon a tudo ti agtinnag kadagiti sedro ti Libano—

dagiti kayo nga immula ni Yahweh.

17 Agumok sadiay dagiti tumatayab;

agtaeng kadagiti saleng dagiti teggaak.

18 Dagiti nangato a turod

ti ayuyang dagiti kalding a balang.

Dagiti kabatoan a disso

ti kamang dagiti koneho.

19 Inaramidmo ti bulan

a mangibaga iti panagbaliw ti panawen;

inaramidmo ti init, ammona ti inna ilelennek.

20 Pinarsuam ti rabii, ket iti sipnget rummuar

dagiti narungsot nga animal.

21 Agngernger dagiti urbon a leon bayat ti panaganupda

agtaud iti Dios ti kanenda.

22 No sumingising ti init, agsublida,

ket mapanda aginana kadagiti rukibda.

23 Ngem rummuar ti tao a mapan iti aramidna,

ket iti sumipnget agsardengen iti panagtrabahona.

24 OApo, di mabilang dagiti gapuanam,

ket pinarnuaymo amin babaen iti siribmo;

pinunnom ti daga kadagiti pinarsuam.

25 Adtoy ti mangliwengliweng a taaw a nalawa

a taeng dagiti di mabilang a parsua,

babassit man wenno dadakkelda.

26 Aglayagditoy a taaw dagiti barko,

ket agay-ayam ti Leviatansadiay,

dayta dragon ti taaw nga inaramidmo.

27 Amin a parsua agpannurayda kenka iti kasapulanda.

28 Itedmo ti taraon ket kanenda;

ikkam ida ti makan ket mapnekda.

29 No ilingedmo ta rupam, agdanagda;

no pasardengem ti angesda, matayda,

ket agsublida iti tapok a nagtaudanda.

30 Ngem no ikkam ida iti anges,makaungarda,

baro a biag ti itedmo iti daga.

31 Agtalinaed koma nga agnanayon ti dayag tiApo!

Maragsakan koma tiApokadagiti inaramidna!

32 Agkintayeg ti daga no taldiapanna;

umasuk dagiti turod no sagidenna.

33 Kantaak tiApoiti unos ti panagbiagko;

wen, no la ket adda angesko idaydayawko ti Diosko.

34 Maay-ayo koma iti kantak

gapu ta isu ti mangparagsak kaniak.

35 Mapukaw koma dagiti managbasol ditoy daga;

dagiti managdakdakes mamimpinsan koma a maikisapda.

O kararuak, idaydayawmo tiApo.

Madaydayaw tiApo.

Ti Dios ken dagiti Tattaona

1 Agyamankay itiApo,

ket iwaragawagyo ti naindaklan a naganna.

Ipakaammoyo kadagiti tattao dagiti inaramidna!

2 Agkantakayo iti pagdaydayaw itiApo;

Saritaenyo ti amin

a nakaskasdaaw nga inaramidna!

3 Agrag-otayo ta kukuanatayo tiApo;

agragsak koma amin nga agserserbi kenkuana!

4 Inkayo agpatulong itiApo;

agdaydayawkayo a kanayon iti imatangna!

5-6 Dakayo a kaputotan ni Abraham nga adipenna;

dakayo nga annak ni Jacob a pinilina:

laglagipenyo dagiti nakaskasdaaw nga inaramidna,

dagiti milagro ken pangngeddeng nga impaulogna.

7 TiApoti Diostayo;

dagiti bilinna agpaay iti entero a daga.

8 Silalagip nga agnanayon iti katulaganna,

kadagiti karina iti rinibu a kaputotan.

9 Tungpalennati nagtulaganda ken ni Abraham,

ken ti inkarina ken ni Isaac.

10 NakitulagtiApoken ni Jacob

iti agnanayon awan inggana,

iti mataginayon nga annuroten ni Israel.

11 “Itedko kenka ti Canaan,” kinunana.

“Tagikuaemto ti daga iti agnanayon awan inggana.”

12 Dagiti tattao ti Dios, bassit pay idi ti bilangda;

sadiay, sumagmamanoda laeng ken ganggannaetda.

13 Nagalla-allada kadagiti nadumaduma a pagilian;

nagalis-alisda a nagnaed kadagiti pagarian.

14 Ngemdina impalubos a maparigatanda

ket dagiti ari inna binallaagan ida

15 tapno dagiti pinilina a profeta ken adipen

saanda ida a ranggasan.

16 Idiinyeg tiApoti bisin iti dagada,

ket inikkatna amin a makanda,

17 nangibaoniti umun-una ngem isuda,

ni Jose a nailako idi a kas tagabu.

18 Kinawarandadagiti sakana,

inikkanda iti landok a koliar ti tengngedna,

19 agingga a natungpal ti impadtona.

Pinaneknekan ti sao tiApo

a nalinteg ni Jose.

20 Nagbaonngarud ti ari ket pinawayawayaanna;

wen, winayawayaan ti agturay kadagiti nasion.

21 Insaadnaa mangaywan iti pagturayanna,

insaadna a mangituray iti entero a daga.

22 Dinutokanna nga agturay kadagiti ofisialesna

ken mangisuro kadagiti mammagbaga kenkuana.

23 Napandagiti Israelita idiay Egipto kalpasanna,

ket nagnaedda iti dayta a daga.

24 Adunga annak ti imparabur

tiApokadagiti tattaona,

ket nagbalinda a napigpigsa ngem dagiti kabusorda.

25 Pinataudna ti gura

dagiti Egipcio kadagiti tattaona,

ket sinikapanda dagiti adipenna.

26 Imbaonnani Moises nga adipenna,

agraman ken ni Aaron a pinilina.

27 Impakitada dagiti nakaskasdaaw a gapuanan ti Dios,

ket nagaramidda kadagiti milagrona idiay Egipto.

28 Inyegnati sipnget ket nagsipnget ti daga,

ngem di tinungpaldagiti Egipcio ti bilinna.

29 Pinagbalinnaa dara dagiti karayanda,

ket natay dagiti amin nga ikanda.

30 Napnoiti nakaad-adu a tukak ti dagada

uray pay iti palasio ti ari, nagdudupudopda.

31 NagbilintiApoket nakaad-adu a ngilaw ken timel

ti nagsaknap iti daga.

32 Saana tudo no di ket yelo ti inyegna,

ken agkanabsiit a kimat ti imbaonna.

33 Dinadaelna dagiti ubas ken igosda,

tinuangna amin a kayo iti entero a daga.

34 Nagbilinket immay dagiti dudon

riniwriwriw ket di mabilang ti kaaduda.

35 Kinnanda amin a mula iti dagada ken inkisapda

ti amin nga apit, awan natda.

36 IdiayEgipto, pinatayna dagiti inauna nga annak

iti amin a familia.

37 Kalpasanna,inruarna dagiti Israelita,

nagawitda kadagiti pirak ken balitok;

napigsa ken nasalun-atda amin a sangapada.

38 Kasta unay ti buteng dagiti Egipcio kadakuada,

ket naragsakanda idi pumanaw dagiti Israelita.

39 Nangikabiliti ulep a manglinong kadakuada,

iti rabii, apuy ti nagpaay a silawda.

40 Nagdawatdaket pinataudna dagiti tukling,

inikkanna ida iti nawadwad a tinapay manipud langit.

41 Pinagrengngatnati bato, ket pimsuak ti danum,

kasla karayan a nagayus idiay let-ang.

42 Nalagipna ti katulaganna,

ti nasantoan a karina ken ni Abraham nga adipenna.

43 Ket inruarna dagiti pinilina a tattaona;

siraragsakda a nagkanta ken nagdidir-i iti rag-oda.

44 Tidaga dagiti ganggannaet intedna kadakuada,

ket binay-anna a sakupen dagiti tattaona

45 tapno tungpalenda

dagiti linteg ken bilinna.

Madaydayaw tiApo!

Ti Kinaimbag ni Yahweh kadagiti Tattaona

1 MadaydayawtiApo!

Agyamankayo itiApo,

ta isu ket naimbag;

saan nga agpatingga

ti di agbalbaliw nga ayatna!

2 Siasino ti makaibaga

kadagiti amin a nakaskasdaaw nga aramid tiApo?

Siasino ti makaipaay

iti naan-anay a pagdaydayaw kenkuana?

3 Nagasat dagiti mangtungpal iti bilinna

ken kanayon a nalinteg ti aramidna.

4 Lagipennak, OApo,

inton paraburam dagiti tattaom;

Tulongannak kadi inton isalakanmo ida.

5 Kayatko a makita ti irarang-ay dagiti tattaom,

ket mairamanak iti ragsak ken rag-o dagiti pinilim a kukua.

6 Nagbasolkami a kas kadagidi kapuonanmi;

naglabsingkami ket dakes dagiti inaramidmi.

7 Idiadda dagiti kapuonanmi idiay Egipto,

dida inkankano dagiti nakaskasdaaw nga aramidmo.

Nalipatanda dagiti adu nga ayat nga impaaymo,

sinukirda ketdi ti Mannakabalin-aminiti Nalabaga a Baybay.

8 Nupay kasta, insalakanna ida kas inkarina,

tapno maipakita ti naindaklan a pannakabalinna.

9 Binilinnati Nalabaga a Baybay ket nagmaga,

ket impanguloanna dagiti tattaona a bimmallasiw

a nagna iti namaga a daga.

10 Insalakanna ida kadagiti gumurgura kadakuada;

inispalna ida kadagiti kabusorda.

11 Nalmes dagiti kabusorda a kumamkamat,

awan ti siasinoman kadakuada ti nakalasat.

12 Itikasta, namati dagiti tattaona kadagiti karina,

ket nagkantada kadagiti pagdaydayaw kenkuana.

13 Ngem iti apagbiit nalipatanda ti inaramidna;

nagtignayda a dida inuray ti patigmaanna.

14 Idiaddada iti let-ang nalabes ti gartemda

ket sadiay sinuotda ti Dios.

15 Iti kasta, intedna ti kinalikagumanda,

inyegna pay ti nakaro a sakit kadakuada.

16 Idiaddada idiay let-ang, inapalanda ni Moises,

kasta met ni Aaron a nasantoan nga adipen tiApo.

17 Nagrengngat ti daga ket inalun-onna ni Datan,

nagaburan ni Abiram ken ti familiana.

18 Bimmaba ti apuy kadagiti pasurotda,

ket dagiti dakes a tattao naikisapda.

19 Nagaramiddaiti sinan-baka a balitok idiay Horeb,

ket nagrukbabda iti daytoy nga imahen.

20 Sinuktanda ti dayag

iti imahen ti animal a ruot ti kanenna.

21 Linipatanda ti Dios a nangisalakan kadakuada

babaen kadagiti nakaskasdaaw nga aramidna idiay Egipto.

22 Datdatlag dagiti pasamak

iti Nalabaga a Baybay.

23 Idi imbaga ti Dios

a pukawenna dagiti tattaona,

bimmallaet ni Moises nga adipen a pinilina,

ket dina impatuloy a bumtak ti pungtotna

a mangdadael kadakuada.

24 Linaksiddati napintas a daga,

ta dida namati a tungpalen ti Dios ti karina.

25 Nagtantanabutobda iti uneg ti toldada,

ket saanda nga impangag tiApo.

26 Isut’ gapuna a binallaaganna ida;

insapatana a pukawenna ida iti let-ang,

27 ketiwarasna dagiti kaputotanda kadagiti pagilian,

bay-anna ida a matay kadagiti ganggannaet a daga.

28 Nakipagdaydayawmet dagiti tattao ti Dios

ken ni dios a Baal idiay Peor,

ket nanganda kadagiti taraon a naidaton

kadagiti awan biagna a didiosen.

29 Pinagpungtotda tiApogapu kadagiti aramidda,

ket rimsua ti nakaro a didigra kadakuada.

30 Ngem nakibiang ni Finees ket dinusana ti nakabasol,

iti kasta, simmardeng ti didigra.

31 Manipud idin, naibilang kenkuana daytoy a kas kinalinteg

malaglagip ti inaramidna iti agnanayon awan inggana.

32 PinagpungtotdatiApoidiay ubbog ti Meriba,

ket nagsagaba ni Moises gapu kadakuada.

33 Sinugatda ti riknana, nagsakit ti nakemna,

ket nagubsang dagiti sao nga insawangna;

dina pinampanunot no umno dagiti imbagana.

34 KinunatiApoa patayenda dagiti tattao iti likmutda,

ngem saanda a tinungpal ti imbilinna.

35 Nakiasawada ketdi kadakuada,

ket tinuladda dagiti ugalida.

36 Nagdaydayawda kadagiti didiosenda,

ket daytoy ti nakaigapuan ti pannakadadaelda.

37 Pinuorandadagiti annakda

a kas daton kadagiti demonio

38 kenkadagiti dios ti Canaan,

pinapatayda dagiti awan basolna

ket namulitan ti daga iti dara.

39 Iti kasta nga aramidda,

tinulawanda dagiti bagbagida,

ket tinallikudanda ti Dios.

40 Gapuitoy, nakapungtot ni Yahweh kadagiti pinilina;

ginurana dagiti tattaona.

41 Inyawatna ida iti pannakabalin dagiti pagilian,

ket inturayan ida dagiti gumurgura kadakuada.

42 Iti ima dagiti kabusorda, naparparigat ken naidadanesda,

ket naan-anay ti panangiturayda kadakuada.

43 Namin-adu nga insalakan ni Yahweh ida,

ngem inkeddengna ti panangsukirda kenkuana,

ket nairemremda iti kinadakesda.

44 Nupay kasta, impangag ni Yahweh ti asugda,

ket tinalliawna ti pakarigatanda.

45 Gapu kadakuada, linagipna ti katulaganna,

ket nagbabawi gapu iti naindaklan nga ayatna.

46 Inallukoyna ti rikna

dagiti nangadipen kadakuada a nangaasi kadakuada.

47 Isalakannakami,OApoa Diosmi,

ket alaennakami manipud kadagiti pagilian,

tapno makapagyamankami ket idaydayawmi ti nasantoan a naganmo.

48 Idaydayawyo tiApoa Dios ti Israel;

idaydayawyo ita ken iti agnanayon awan inggana.

“Amen!” kuna koma ti tunggal maysa.

Madaydayaw tiApo!

Pagdaydayaw iti Kinaimbag ti Dios

1 “AgyamankayoitiApo,

ta isu ket naimbag;

agpaut nga agnanayon ti ayatna!”

2 Sawenyo dagitoy a balikas

iti panagrukbabyo itiApo,

dakay amin a sinubbotna.

Inispalnakay iti ima dagiti kabusoryo.

3 Innalanakayo kadagiti ganggannaet a pagilian;

inummongnakayo manipud iti amianan ken abagatan,

manipud iti laud ken daya.

4 Adda dagiti nagkalkallautang iti let-ang,

saanda a nasurotan ti dalan nga agturong iti siudad nga inda pagnaedan.

5 Nagsagabada iti bisin ken waw,

ket amin a namnamada inda napukaw.

6 Immawagda itiApoidi marigatanda,

ket inispalna ida iti narikut a kasasaadda.

7 Inturongna ida iti nalinteg a dalan agingga a dimtengda

iti siudad a pagtaenganda.

8 Rumbeng ngarud nga agyamanda itiApo

gapu iti di agbalbaliw nga ayatna,

gapu kadagiti nakaskasdaaw nga impaayna kadakuada.

9 Painumenna dagiti mawaw;

ikkanna iti agkakaimbag a banag dagiti mabisin.

10 Adda nagbibiag iti lidem ken sipnget;

balud nga agsagsagaba gapu iti pannakakawarda,

11 gapu ta sinukirda dagiti bilin ti Dios,

ket linaksidda ti pannursuro ti Kangatoan.

12 Nautoyanda iti nadagsen a trabahoda;

maidasayda ket awan ti tumulong kadakuada.

13 Immawagda itiApoidi marigatanda,

ket inispalna ida iti pakarigatanda.

14 Manipud iti lidem ken sipnget, inaonna ida,

ket pinugsapugsatna dagiti kawarda.

15 Rumbeng ngarud nga agyamanda itiApo

gapu iti di agbalbaliw nga ayatna,

gapu kadagiti nakaskasdaaw nga impaayna kadakuada.

16 Rakrakenna dagiti ruangan a gambang

ket tukkolenna dagiti balunet a landok.

17 Nagsakitti dadduma gapu iti basbasolda;

nagsagabada gapu iti kinadakesda.

18 Karurodda ti aniaman a makan a makitada

ket iti ruangan ni patay, immasidegda.

19 Immawagda itiApoidi marigatanda,

ket inispalna ida iti narikut a kasasaadda.

20 Pinaimbagna ida babaen iti panagbilinna,

ket inispalna ida iti pakadadaelanda.

21 Rumbeng ngarud nga agyamanda itiApo

gapu iti di agbalbaliw nga ayatna,

gapu kadagiti nakaskasdaaw nga impaayna kadakuada.

22 Rumbeng nga agyamanda ket agpuorda iti datonda;

masapul nga agkantada kadagiti naragsak a kanta a mangipakammo kadagiti aramidna.

23 Adda dagiti naglayag iti barko;

nanggedda iti taaw babaen iti panagkomersio.

24 Nakitada ti kabaelan nga aramiden tiApo,

dagiti nakaskasdaaw a gapuananna iti taaw.

25 Nagbilin ket nagangin iti napigsa;

dadakkel a dalluyon ti pinataudna.

26 Inyallon dagiti dalluyon dagiti barko a naglugananda,

ket limnedda iti lansad ti taaw.

Iti kasta a peggad, napukaw ti namnamada.

27 Kasda la nabartek a maiparparusisi ken agibar-ibar;

awanen ti serserbi ti amin a laingda.

28 Immawagda itiApoidi marigatanda,

ket inispalna ida iti narikut a kasasaadda.

29 Pinagkalmana ti bagio a napigsa

ket dagiti dalluyon nagtalnada.

30 Gapu iti linak nagragsakda,

inturong ida tiApoiti sangladan a kayatda.

31 Rumbeng ngarud nga agyamanda itiApo

gapu iti di agbalbaliw nga ayatna,

gapu kadagiti nakaskasdaaw nga impaayna kadakuada.

32 Masapul nga ipakaammoda ti kinatan-okna iti tallaong dagiti umili,

ket idaydayawda iti taripnong dagiti panglakayen.

33 Pinagmaga tiApodagiti karayan,

ket pinagsardengna nga agayus dagiti burayok.

34 Pinaapgadnati nadam-eg a daga

gapu iti kinadakes dagiti agnaed.

35 Pinagbalinna a dan-aw dagiti let-ang,

ket pinagubbogna ti natikag a daga.

36 Sadiay, pinagtaengna dagiti mabisin a tattao,

ket nangbangonda iti siudad a pagnaedanda.

37 Nagbunobonda iti kataltalonan;

nagmulada iti ubas ket nagapitda iti aglablabonan.

38 Binendisionanna ida ket adu nga annak ti naiparabur kadakuada;

dina impalubos a bumassit ti bilang dagiti bakada.

39 Idi maparmek ken maibabain dagiti tattao ti Dios,

babaen iti nadawel a pannakaidadanes ken panagsagabada,

40 impakitana ti gurana kadagiti mamarparigat kadakuada,

ket pinagkallautangna ida kadagiti let-ang.

41 Ngem inalawna dagiti napanglaw manipud iti rigatda,

ket pinaaduna a kasla arban dagiti familiada.

42 Makita daytoy dagiti nalinteg ket agragsakda;

ngem mapaulimek dagiti nakillo ken dakes.

43 Panunoten koma dagitoy dagiti adda siribna;

ket ti napudno nga ayat tiApobigbigenda.

Kararag a Pangsaranget iti Kabusor

1 Sisasaganaak,

O Dios, wen, sisasaganaak!

Agkantaakto ket agdaydayawak kenka.

O kararuak, agriingka!

2 Agriingkayo, lirak ken arpak,

ket riingek ti bannawag.

3 Agyamanak kenka, OApo,

iti imatang dagiti pagilian.

Ikantakto ti pagdaydayaw kenka

iti imatang sabali a tattao.

4 Ringbawan ti di agbalbaliw nga ayatmo ti langit;

dumanon iti tangatang ti kinapudnom.

5 Iparangmo sadi langit, O Dios, ti tan-okmo,

ken iti entero a daga, ti dayagmo.

6 Isalakannakami babaen iti bilegmo ket dumngegka iti kararagko

tapno maispal dagiti ay-ayatem a tattao.

7 Kinuna ti Dios manipud iti santuariona,

“Bingbingayekto ti Sikem inton agballigiak,

ket ti tanap ti Succot innakto iwaras.

8 Kukuak ti Galaad ken ti Manases;

ti Efraim ti helmetko,

ket ti Juda ti bukodko a setro.

9 Ngem aramatekto ti Moab a pagbuggoak;

ipurruakkonto ti sandaliasko iti Edom,

ket iti Filistia umkisakto iti panagballigik.”

10 Siasinonto, O Dios,

ti manguyog kaniak iti nasarikedkedan a siudad?

Siasinonto ti mangipan kaniak idiay Edom?

11 Pudno aya a binaybay-annakamin?

A dikanton kumuyog kadagiti armadami?

12 Tulongannakami a sumaranget kadagiti kabusormi,

ta awan serserbi ti maitulong ti tao kadakami.

13 Agballigikamto babaen iti tulong ti Dios;

parmekennanto dagiti kabusormi.

Ti Asug ti Mariribuk a Tao

1 Idaydayawka, O Dios;

saanka koma nga agulimek.

2 Ta dinarupdak dagiti dakes ken ulbod a tattao,

saan a pudno ti sasawenda maipapan kaniak.

3 Agkakadakes a banag ti sarsaritaenda;

kabilendak nga awan gapgapuna.

4 Busorendak, nupay ay-ayatek ida,

ken ikarkararagak ida.

5 Dakes ti isupapakda kaniak

iti naimbag nga impaayko;

gura ti isubadda iti ayatko.

6 Mangdutokka iti rinuker nga ukom a mangusig iti kabusorko,

ket aramatem ti maysa kadagiti kabusorna

a mangidarum kenkuana.

7 Maukom koma ket maikeddeng a nakabasol;

uray pay ti kararagna, maibilang koma a basol.

8 Mataykoman iti mabiit,

alaen koma ti sabali a tao ti saadna.

9 Maulila koma dagiti annakna,

ket mabalo koma ti asawana.

10 Agpalpalama koma nga awan taengda dagiti annakna;

mapapanawda koma itirebba a pagnaedanda.

11 Alaen koma dagiti nakautanganna ti amin a sanikuana;

agawen koma met dagiti ganggannaet

ti amin a nagbannoganna.

12 Awan koma ti mangngaasi kenkuana;

awan koma ti mangaywan kadagiti inulilana.

13 Matay koma amin a kaputotanna,

ket malipatan ti naganna iti sumaruno a kaputotan.

14 Malagip koma tiApoti kinadakes dagiti kapuonanna,

ket dina pakawanen ti basol ni inana.

15 Kanayon koma a silalagip tiApokadagiti basolda,

ngem naan-anay koma ti pannakalipat iti naganda.

16 Saan a pulos napanunot dayta a tao ti nangngaasi;

indadanes ken pinapatayna dagiti napanglaw,

dagiti mairurumen ken nakaay-ay-ay.

17 Pagay-ayatna idi ti agilunod—mailunod met koma!

Dina kinayat idi ti mangparabur—

awan koma met ti mangparabur kenkuana.

18 Kas iti kalakana nga

agkawes ti kalakana nga agilunod.

Kasla danum koma a mangrusep

dagiti lunod iti bagina,

kasla lana a sumagepsep iti tultulangna.

19 Kasda la koma lupot a mangabbong kenkuana

ken kanayon koma a kasda la barikes a putipotna!

20 Kasta koma ti panangdusam, OApo,

kadagiti a mamadpadakes kaniak a kabusorko.

21 Ngem tulongannak kadi kas inkarim, O Apok aDios,

ket isalakannak gapu ta naimbag ti ayatmo.

22 Napanglaw ken nakakaasiak;

nasaem ti sugat toy pusok.

23 Anniniwan nga agpukaw iti malem ti arigko,

kaslaak dudon iti pannakaipalpalaisko.

24 Agkutukot dagiti tumengko gapu iti kaawan taraonko;

nakuttongak, tulang

ken kudil laengen ti nangbungon kaniak.

25 Katawaandakdagiti tattao no makitadak;

agwingwingiwingda a manglalais kaniak.

26 Tulongannak kadi, OApoa Diosko;

isalakannak gapu iti di agbalbaliw nga ayatmo.

27 Ipakaammom kadagiti kabusorko

a sika ti mangisalakan kaniak.

28 Nalabit nga ilunoddak,

ngem bendisionannak.

Maabak koma dagiti mangidadanes kaniak,

ket kas adipenmo, maragsakanak.

29 Malmes koma iti bain dagiti kabusorko;

ikawesda koma a kas kagay ti pakaibabainanda.

30 Ipukkawkonto dagiti panagyamanko itiApo;

idaydayawkonto iti gimong dagiti tattao,

31 agsipud ta salaknibanna dagiti marigrigat,

ket ispalenna kadagiti mangikeddeng a mapapatay.

Ni Yahweh ken ti Ari a Pinilina

1 KinunatiApoiti apok nga ari,

“Agtugawka ditoy makannawanko,

agingga a maparmekko dagiti kabusormo,

ket addada iti babaem.”

2 Manipud Sion, yawatto tiApoti bilegmo a kas ari.

Kunana, “Iturayam dagiti kabusormo.”

3 Iti aldaw a sarangtem dagiti kabusormo,

kas linnaaw ti bigbigat,

umayto kenka dagiti lallaki nga agtutubom

kadagiti nasantoan a turod.

4 InsapatatiApoket dinanto ibabawi:

“Padikanto nga agnanayon,

a kas iti kinapadi ni Melkisedec.”

5 Adda ti Apo iti makannawanmo;

parmekennanto dagiti ari inton agpungtot.

6 Ipaulognanto ti sentensia dagiti pagilian;

punnoennanto iti bangkay dagiti paggugubatan,

ket parmekennanto dagiti agtuturay iti entero a daga.

7 Iti waig iti igid ti dalan, uminumto ti ari;

pumigsa ti bagina ket tumakder a sibaballigi.