Category: Ezekiel

Ti Trono ti Dios

1 Itimaikalima nga aldaw, iti maikapat a bulan, iti maika-30 a tawen,siak, ni Ezekiel a padi ken anak ni Busi, nakipagnanaedak kadagiti napagtalaw a kas balud a Judio iti igid ti Karayan Kebar idiay Babilonia. Naglukat ti langit, ket nakitak ti Dios iti maysa a parmata. (

2 Napasamakdaytoy iti maikalima a tawen ti pannakaitalaw ni Ari Jehoyakin a kas balud.)

3 Ket sadiay, iti igid ti Karayan Kebar idiay Babilonia, nangngegko ti timek ni Yahweh a nakisao kaniak ket nariknak ti pannakabalinna.

4 Timmangadak ket nakitak ti napigsa nga alipugpog a naggapu iti amianan. Adda kimat nga aggapgapu iti napuskol nga ulep, ket naraniag ti langit iti likmutna. Iti pagkimkimatanna, adda sumilsilap a kasla bronse.

5 Ititengnga ti alipugpog, nakitak dagiti kasla sibibiag a parsua nga umasping iti tao,

6 ket adda uppat a rupa ken uppat a payak ti tunggal maysa kadakuada.

7 Nalinteg dagiti sakada ngem dagiti dapanda kasla kukod ti baka. Rumimatrimat dagiti parsua a kasla napasileng a bronse.

8 Malaksid dagiti uppat a rupa ken uppat a payakda, adda pay ima ti tao iti baba ti tunggal payak nga adda iti uppat a sikiganda.

9 Nakaukrad dagiti dua a payak ti tunggal maysa, ket agsisinnagid ti murdong ti payakda. Iti kasta, kuadrado ti formada. No aggunayda, aggunayda a kasla maysa a grupo a saan nga agpusipos dagiti bagida.

10 Addauppat nga agduduma a rupa ti tunggal animal: rupa ti tao iti sango, rupa ti leon iti kannawan, rupa ti baka iti kannigid ken rupa ti agila iti likud.

11 Siuukrad ti dua a payakti tunggal parsua, ket agsisinnagid ti murdong dagiti payakda. Dua met a payak ti mangabbong kadagiti bagida.

12 Sumango ti tunggal animal iti uppat a direksion. Iti kasta, mabalinda ti agturong iti kayatda a papanan a saanda nga agpusipos.

13 Itibaet dagitiparsua, adda kasla gumilgil-ayab nga aluten nga agalis-alis. Gumil-ayab ti apuy ket agipugso iti kasla kimat.

14 Agsublisubli dagiti animal a kasla iti kapardas ti kimat.

15 Bayatti panangmatmatko kadagiti uppat a parsua, nakitak ti uppat a pilid a sumagid iti daga iti abay ti tunggal maysa kadakuada.

16 Rumimatrimat ti tunggal pilid a kasla napateg a bato. Agpapada dagiti uppat a pilid. Adda pilid iti uneg ti tunggal pilid nga agturong iti sabali a direksion.

17 Iti kasta, mabalin nga agturong dagiti pilid iti uray ania kadagiti uppat a direksion.

18 Pasiga mata ti nangabbong kadagiti rueda ti pilid.

19 No aggunay dagiti parsua, aggunay met a maisurot dagiti pilid. No agpangatoda, agpangato met dagiti pilid.

20 Agturong dagiti pilid iti sadinoman a kayatda a pagturongan, ket aramidenda ti aramiden dagiti animal agsipud ta iturayan ida dagiti animal.

21 Ngarud, no aggunay dagiti parsua, wenno no sumardengda, wenno no agpangatoda, kasta met ti aramiden dagiti pilid.

22 Itingatoen ti ulo dagiti parsua, adda kasla atep a naaramid iti rumimatrimat a kristal.

23 Sadiay, iti sirok ti atep nakatakder dagiti parsua. Siuukrad dagiti dua a payak ti tunggal parsua a situturong kadagiti sarsarunoenda, ket dua a payak met ti mangabbong kadagiti bagida.

24 Nangngegkoti banesbes dagiti payakda iti panagtayabda. Kasla daranudor ti baybay, kasla arimbangaw ti dakkel nga armada, kasla timek ti Dios a Mannakabalin-amin. Idi sumardengda nga agtayab, nagkupin dagiti payakda,

25 ngem adda latta mangngeg a timek nga aggapu iti atep, iti ngatoen dagiti uloda.

26 Itingatoen ti atep, adda kasla trono a naaramid iti safiro. Adda kasla tao nga agtugtugaw iti trono.

27 Kaslatao ti agranraniag a kasla bronse iti tengnga ti apuy. Raniaganna ti aglikmut,

28 ket addaan kadagiti amin a kolor nga adda iti bullalayaw.

Daytoy ti makapurar a lawag a mangipakita iti kaadda tiApo.

Ayaban ti Dios ni Ezekiel nga Agbalin a Profeta

1 Idi makitak daytoy, nagpaklebak iti daga. Ket nangngegko ti maysa a timek a nagkuna, “Anak ti tao, tumakderka, ta adda ibagak kenka.”

2 Bayat ti panagsaona, simrek kaniak ti espiritu ti Dios ket pinatakdernak. Intuloy ti timek ti nagsao,

3 “Anak ti tao, ibaonka kadagiti Israelita. Sinukir ken binusordak. Suksukirendak pay laeng a kas iti inaramid dagidi kapuonanda.

4 Natangken ti uloda ket dida agraem kaniak. Siak nga Apo aDios, ibaonka ngarud a mangipakaammo iti ibagak kadakuada.

5 Dumngegda man kenka wenno saan, maammoandanto nga adda profeta a naibaon kadakuada.

6 “Ngem sika, anak ti tao, dika agbuteng kadakuada wenno iti aniaman nga ibagada. Kasdanto la siit iti aglawlawmo. Kaskanto la adda iti ayan dagiti manggagama. Uray kasta, dika agbuteng kadagita nasukir a tattao wenno iti aniaman nga ibagada.

7 Ibagamto kadakuada ti aniaman nga ibagak, dumngegda man wenno saan. Laglagipem a nasukirda a tattao.

8 “Anak ti tao, denggem ti ibagak kenka. Dika agsukir a kas kadakuada. Agngangaka ket kanem ti itedko kenka.”

9 Nakitakti maysa nga ima a nayasideg kaniak. Nakaiggem iti nalukot a pagbasaan.

10 Inukradna ti pagbasaan ket nakitak a nasuratan iti agsumbangir. Naisurat dagiti dung-aw, sangsangit ken as-asug.

1 Kinunati Dios, “Anak ti tao, kanem daytoy nalukot a pagbasaan. Kalpasanna, inka kasao dagiti Israelita.”

2 Nagngangaak ket insubona kaniak ti pagbasaan.

3 Kinunana, “Anak ti tao, kanem daytoy nalukot a pagbasaan nga itedko kenka ket agbussogka.” Kinnanko ti pagbasaan. Nasam-it a kasla diro ti ramanna.

4 Kalpasanna, kinuna ti Dios, “Anak ti tao, inka kadagiti Israelita ket ibagam kadakuada ti aniaman nga ibagak kenka.

5 Saanka nga ibaon iti maysa a pagilian a narigat a maawatan ti ganggannaet a pagsasaona, no di ket ibaonka kadagiti Israelita.

6 No ibaonka kadagiti dadakkel a nasion a ganggannaet ti pagsasaoda a dimo maawatan, ipangagdakanto dagiti tattaona.

7 Ngem awanto kadagiti Israelita ti mayat a dumngeg kenka. Didak pay ipangag. Natangken ti uloda ken natangsitda amin.

8 Ita, pagbalinenka met a natangken ti ulona ken natured a kas kadakuada.

9 Pagbalinenka a natangken a kas iti bato, wen, natangken a kas iti diamante. Dika agbuteng kadagita natangken ti ulona a tattao.”

10 Intuloy ti Dios, “Anak ti tao, denggem a nalaing ti amin nga ibagak kenka ket tandaanam.

11 Inka kadagiti kailiam a naitalaw a kas balud ket ibagam ti ibagak kadakuada, dumngegda man wenno saan.”

12 Kalpasanna, impangatonak ti espiritu ti Dios ket manipud iti likudak, nangngegko ti napigsa a timek a kunana, “Idaydayawyo ti dayag tiAponga adda sadi langit.”

13 Nangngegko ti banesbes dagiti agririnnisiris a payak dagiti parsua, ti karadakad dagiti pilid a kas iti kapigsa ti ginggined.

14 Immay kaniak ti mannakabalin nga espiritu ti Dios ket bayat ti panangitayabna kaniak, nariknak ti pungtot ken sakit ti nakemko.

15 Dimtengak idiay Tel Abib iti igid ti Karayan Kebar a pagnaedan dagiti naitalaw a kas balud. Pito nga aldaw a nagyanak sadiay a mailablabeg gapu iti nakita ken nangngegko.

Bilinen ti Dios ni Ezekiel nga Agbantay

16 Kalpasan ti pito nga aldaw, nagsao tiApokaniak.

17 Kinunana, “Anak ti tao, isaadka nga agbantay iti pagilian nga Israel. Ipakaammom kadagiti Israelita dagiti amin nga iballaagko kenka.

18 No ipakaammok a matay ti maysa a managdakdakes a tao, ngem dimo ballaagan wenno pagsardengen nga agaramid iti dakes tapno agbiag, matayto a managbasol, ket singirekto kenka ti darana.

19 Ngem no ballaagam ti managdakdakes ket dina isardeng ti aramidna wenno paglikudan ti kinadakesna, matayto a managbasol, ngem maispalto ti biagmo.

20 “No agaramid iti dakes ti nalinteg a tao ket ikabilko iti napeggad a kasasaad, matay no dimo ballaagan. Matay gapu kadagiti basolna ket diakton lagipen dagiti naimbag nga aramidna. Sungbatamto kaniak ti ipapatayna.

21 No ballaagam ti naimbag a tao tapno saan nga agbasol ket ipangagnaka, agbiagto, ket maispalto met ti biagmo.”

Agumel ni Ezekiel

22 Nariknak ti nabileg a pannakabalin tiApo, ket nangngegko a kinunana kaniak, “Tumakderka ket inka idiay tanap. Kasaokanto sadiay.”

23 Napanak ngarud idiay tanap, ket nakitak sadiay ti dayag tiApoa kas iti dayag a nakitak iti igid ti Karayan Kebar. Nagpaklebak,

24 ngem simrek ti espiritu ti Dios kaniak ket pinatakdernak. Kinuna tiApo, “Agawidka, ket dika rumrummuar iti balaymo.

25 Mareppetkanto iti tali ket saankanto a makaruar a makipulapol iti publiko.

26 Bibinegekto dayta dilam tapno dimonto maballaagan dagitoy nasukir a tattao.

27 Ngem inton umayka kasao, isublikto ti pannakabalinmo nga agsao. Kunamto kadakuada a dagitoy ti saok. Addanto dagiti dumngeg, ngem didakanto ikaskaso dagiti dadduma, agsipud ta nasukirda a tattao.”

Iladawan ni Ezekiel ti Pannakalakub ti Jerusalem

1 Kinuna ti Dios, “Anak ti tao, mangalaka iti ladrilio, ket ikabilmo iti sangom samo uged-ugedan a mangiladawan iti siudad ti Jerusalem.

2 Iladawam ti pannakalakub ti siudad. Mangugedka iti sinan-sarikedked, sinan-torre a pagwanawanan, sinan-kampo ken kadagiti sinanmaso a pagrakrak iti lawlawna.

3 Mangalaka iti landok a pariok, ket ikabilmo a kas bakud a nagbaetan ti lugar nga ayanmo ken ti siudad. Sangoem ti siudad a kasla sika ti manglaklakub. Agpaayto daytoy a pagilasinan ti pagilian dagiti Israelita.

4-5 “Agiddaka nga agsikig iti makannigidmo ket ipatayko kenkati basol ti Israel. Iti las-ud ti 390 nga aldaw, agyankanto sadiay ket agsagabakanto gapu kadagiti basbasolda. Sinentensiaanka iti maysa nga aldaw iti tunggal tawen a panagpaut ti dusada.

6 Inton aggibus dagitoy nga aldaw, agballikidkanto iti makannawanmo, ket sagabaem ti basol ti Juda iti 40 nga aldaw—maysa nga aldaw ti tunggal tawen ti dusada.

7 “Dimo isina ti panagkitam iti pannakalakub ti Jerusalem. Layatam, ket agipadtoka iti maibusor iti siudad.

8 Parautanka tapno saanka a makapagballikid agingga a malpas ti pannakalakub ti siudad.

9 “Ita, mangalaka iti trigo, sebada, utong, patani, miho ken espelta. Paglalaokem ida amin, ket agaramidka iti tinapay. Daytoyto ti kanem bayat ti 390 nga aldaw a panagiddam a nakasikig iti kannigid.

10 Walo nga onsa ti tinapay ti maipalubos a kanem iti tunggal aldaw, ket masapul a mayanay agingga iti sumuno nga aldaw.

11 Makedngan pay ti inumem. Dua a baso ti danum laeng iti inaldaw.

12 Mangpuorkanto iti namaga a takki ti tao ket usaremto ti beggangna a pangluto iti bibingka a sebada. Kanemto ti bibingka iti imatang dagiti tattao.”

13 Kinuna tiApo, “Inton iwarawarak dagiti Israelita iti nadumaduma a pagilian, kastoyto ti wagas ti pannanganda iti taraon a saan a nadalus.”

14 Ngem insungbatko, “Saan, ApoDios! Diak pay tinulawan ti bagik. Manipud kinaubingko, diak pay nagsida iti karne ti animal a natay wenno pinatay ti narungsot nga animal. Diak pay nangan iti taraon a maibilang a narugit.”

15 Iti kasta, kinuna ti Dios, “Ala wen, palubosanka a mangusar iti takki ti baka a panglutom iti tinapaymo.”

16 Kinunana pay, “Anak ti tao, isardengkonto ti pannakaited ti taraon dagiti agnanaed idiay Jerusalem. Madanagan ken mariribukanto dagiti tattao sadiay bayat ti panangsukatda iti taraon ken inumenda.

17 Wen, maibusandanto iti kanen ken inumen. Mapukawdanto ti namnamada. Main-inutdanto a mapukaw gapu kadagiti basolda.”

Pukisan ni Ezekiel ti Buokna

1 Kinuna tiApo, “Anak ti tao, mangalaka iti natadem a kampilan, ket aramatem a pangkuskos iti barbas ken buokmo. Timbangem dagiti buok samo pagkatloen.

2 Puoram ti apagkatlo ti buok iti uneg ti siudad inton malpas ti pannakalakubna. Babaen iti kampilanmo, putputdem ti maysa nga apagkatlo bayat ti panangsursormo iti ruar ti siudad. Ipurruakmo iti angin ti natda nga apagkatlo, ket asutek ti kampilanko bayat ti panangkamatko kadakuada.

3 Mangiteddaka iti sangkabassit a buok, ket balkotem iti gayadan ti kagaymo.

4 Kalpasanna, mangiruarka manen iti sangkabassit samo ipurruak iti apuy. Isudanto ti pagtaudan ti apuy a manguram iti entero a pagilian ti Israel.”

5 Kinuna ti Apo aDios: “Kitaem ti Jerusalem. Binangonko iti tengnga ti lubong, a linikmut dagiti pagilian.

6 Ngem sinukir ti Jerusalem dagiti bilinko ket impakitana a dakdakes ngem dagiti sabali a nasion, a nasuksukir ngem dagiti pagilian a kabangibangna. Linaksid ti Jerusalem dagiti bilinko ket dina kayat a salimetmetan dagiti lintegko.

7 Ita, Jerusalem, denggem ti saok nga ApoDios. Gapu ta dika nagtulnog kadagiti lintegko ken dimo sinalimetmetan dagiti bilbilinko, ad-adu ti pinarnuaymo a dakes ngem dagiti nasion iti lawlawmo. Tinuladmo ti ugali dagiti sabali a pagilian.

8 Iti kasta, siak nga Apo aDios, ibagak kenka a busorenka. Dusaenka iti imatang dagiti amin a tattao.

9 Gapu kadagiti amin nga inaramidmo a kagurak, dusaekto ti Jerusalem iti nakaro, dusa a diak pay indissuor ket diakto met sunotanen nga idissuor.

10 Pagangayanna,idiay Jerusalem, sidaento dagiti amma ken inna dagiti annakda, ket sidaento met dagiti annak dagiti nagannak kadakuada. Dusaenkayto, ket iwarawarakto dagiti natda a sibibiag iti amin a suli ti lubong.

11 “Ngarud, agsipud ta siak, ni Yahweh, ti sibibiag a Dios, ken agsipud ta tinulawam ti templok kadagiti amin nga inaramidmo a dakes ken makarimon, awanto ti asik a mangpukaw kenka. Daytoy ti sao ti Apo aDios.

12 Apagkatlo dagiti tattaom ti matay iti sakit ken bisin iti uneg ti siudad. Matayto met ti apagkatlo iti gubat iti ruar ti siudad; iwarawarakto ti sabali nga apagkatlo iti amin a lugar ket kamatekto ida iti kampilan.

13 “Mariknamto ti dagsen ti unget ken pungtotko agingga a mapnekak. Inton mapasamak amin dagitoy, mamatikanton a siak, ni Yahweh, ti nagsao a sipupungtot gapu iti saanmo a panagtalinaed a napudno.

14 Amin a tao nga aglabas nga aggapu kadagiti nasion iti lawlawmo, laisendakanto ket adaywandakanto.

15 “No kaunget ken kapungtotka ket dusaenka, agbutengto dagiti amin a nasion iti lawlawmo. Karimondakanto a kitaen ket pagang-angawandakanto.

16 Isardengkonto ti pannakaited ti taraonmo ket bay-ankanto a matay iti bisin. Mariknamtoti saem ti bisin a kasla natadem a pana a naibiat a mangdadael kenka.

17 Yegkontoti bisin, ket ibaonkonto dagiti narungsot nga animal a mangpapatay kadagiti annakmo. Yegkonto ti sakit, ranggas ken gubat a mangpapatay kenka. Siak, ni Yahweh, ti nagsao iti daytoy.”

Babalawen ni Yahweh ti Panagdaydayaw kadagiti Imahen

1 Nagsao tiApokaniak.

2 Kinunana, “Anak ti tao, kitaem dagiti bambantay ti Israel, ket ipakaammom kadakuada ti mensahek.

3 Ibagam kadagiti bambantay ti Israel a denggenda ti sao ti Apo aDios. Daytoy ti saok kadagiti bantay, turod, derraas ken tanap: Mangyegakto iti kampilan a mangdadael kadagiti luglugar a pagdaydayawan dagiti tattao kadagiti imahen.

4 Marbanto dagiti altar ket madadaelto dagiti pagpuoranyo iti insenso. Mapapatayto dagiti amin a tattao sadiay iti sangoanan dagiti imahenda.

5 Iwalangkonto ti bangkay dagiti Israelita; iwarawarakto dagiti tulangda iti lawlaw dagiti altar.

6 Marebbekto dagiti amin a siudad ti Israel. Iti kasta, madadaelto dagiti amin a lugar a pagdaydayawanda kadagiti imahen. Marumrumekto dagiti amin nga altar ken imahenda, maburakto dagiti pagpuoranda iti insenso, ket mapukawto dagiti amin nga inaramidda.

7 Mapapatayto dagiti tattao iti amin a lugar ket dagiti makalasat, bigbigendanto a siak ni Yahweh.

8 “Ilisikto iti pannakapapatay ti sumagmamano ket iwarawarakto ida kadagiti nasion a pagnaedandanto.

9 Sadiay, agbiagdanto a kas napagtalaw a balud. Malagipdakto ket maammoandanto a dinusak ken imbabainko ida,agsipud ta tinallikudandak ket ad-adda a kinayatda dagiti imahen ngem siak. Kaguradanto dagiti bagbagida gapu kadagiti dakes ken nakababain nga inaramidda.

10 Maammoandanto a siak ni Yahweh, ket saan nga ang-angaw dagiti ballaagko.”

11 Kuna ti Apo aDios, “Danogem ti imam, agtabbugaka ket agsangitka gapu iti amin a dakes ken makarimon nga aramid dagiti Israelita. Mataydanto iti gubat, bisin ken sakit.

12 Agsakit ken matayto dagiti adda iti adayo; ket dagiti adda iti asideg mataydanto iti gubat. Matayto iti bisin dagiti makalasat. Mariknadanto ti nakaro a pungtotko.

13 Maiwalangto dagiti bangkay iti ayan dagiti imahen ken iti lawlaw dagiti altar. Maiwarawaradanto pay kadagiti nangato a turod, iti tapaw dagiti bantay, iti sirok ti nalangto a kayo ken dadakkel a lugo, ken iti amin a lugar a nagpuoranda kadagiti daton nga agpaay kadagiti imahen. Iti kasta, maammoanton ti amin a tao a siak ni Yahweh.

14 Wen, dissoakto ida ket dadaelekto dagiti pagilianda. Paglangalangekto manipud iti disierto iti abagatan agingga iti siudad ti Ribla iti amianan, ket awanto ti labsak a lugar a pagnaedan dagiti Israelita. Ket maammoanton ti amin a tao a siak ni Yahweh.”

Asidegen ti Panungpalan ti Israel

1 Nagsao tiApokaniak.

2 Kinunana, “Anak ti tao, kastoy ti kunak nga Apo aDiositi daga nga Israel: Dumtengen ti panungpalan ti entero nga Israel!

3 “Israel, dimtengen ti panungpalam. Mariknamto ti pungtotko ta ukomenka gapu kadagiti aramidmo. Balsenkanto gapu iti amin a makarimon nga aramidmo.

4 Dikanto pakawanen wenno kaasian. Dusaenkanto gapu kadagiti makarimon nga aramidmo tapno maammoam a siak ni Yahweh.”

5 Kastoy ti kuna ti Apo aDios, “Agsasarunonto a didigra ti agdissuor kenka.

6 Nalpasen! Daytoyen ti panungpalan. Daytoyen ti kanibusanam!

7 Dumtengen ti panungpalanyo, dakayo a tattao nga agnaed iti daga nga Israel. Asidegen ti tiempo nga awanton ti panagrarambak kadagiti pagdaydayawan iti bantay, ket pasigto aminen a pannakariribuk.

8 “Iti saan a mabayag, mariknayonton ti amin a dawel ti pungtotko, ta ukomenkayto gapu kadagiti aramidyo. Balsenkayto gapu iti makarimon nga aramidyo.

9 Dikayto pakawanen wenno kaasian. Dusaenkayto gapu kadagiti aramidyo. Iti kasta, maammoanyonto a siak ni Yahweh, ket siak ti mangdusa kadakayo.”

10 Dumtengen ti aldaw ti didigra. Umad-adun ti kinaranggas. Nakaro unayen ti kinatangsit.

11 Ad-adu a kinadakes ti patauden ti kinadawel. Awanto ti agtalinaed a kukuada; mapukawto ti kinabaknangda, ti dayagda wenno kinaraniagda.

12 Dumtengen ti tiempo. Asidegen ti aldaw nga awanton ti serserbi ti panaggatang ken panaglako, ta agdissuorton ti pungtot ti Dios kadagiti amin a tattao.

13 Awanton ti agtagtagilako nga agpaut ti panagbiagna tapno mapasublina ti napukawna ta agdissuoren ti pungtot ti Dios iti tunggal maysa. Saan a makalasat dagiti managdakdakes.

14 Mapuyotto dagiti trumpeta ket agsagananto ti amin ngem awan ti mapan makigubat ta agdissuor ti pungtot ni Yahweh iti tunggal maysa.

Dusa ti Basol dagiti Israelita

15 Adda agraranget kadagiti kalsada, ket kadagiti balbalay adda sakit ken bisin. Matayto iti ranget dagiti adda iti away, ket dagiti adda iti siudad, mataydanto iti sakit ken bisin.

16 Addanto dagiti agkamang kadagiti bambantay a kasla napabutngan a kalapati manipud kadagiti tanap. Agsasainnekdanto gapu kadagiti basbasolda.

17 Agkapsutto dagiti imada, ket agkutukotto dagiti tumengda.

18 Agarruatdanto iti nakersang a lupot. Agtigergerdanto. Makuskosanto dagiti uloda ket maibabaindanto.

19 Ibellengdanto a kas basura dagiti balitok ken pirakda iti kalsada, agsipud ta saan ida a maisalakan ti balitok ken pirak inton idissuor ni Yahweh ti pungtotna. Saanda a mabalin nga aramaten dagitoy a panggun-od iti tarigagayda wenno pangep-ep iti bisinda. Dagiti balitok ken pirak ti nakaigapuan ti panagbasolda.

20 Pinagparammagda dagiti napintas nga alahasda, ket inaramidda ida a makarimon nga imahen. Isut’ gapuna a pinagbalin ni Yahweh a karimonda dagiti sanikuada.

21 Kuna ni Yahweh, “Palubosakto dagiti ganggannaet nga agsamsam kadagiti sanikuada. Agawento dagiti managdakdakes ti kinabaknangda ket tulawanda.

22 Diakto bumibiang uray no rabngisenda ti Templok, uray no serken dagiti mannanakaw ket tulawanda.

23 “Awanen ti urnos. Adu unayen ti mapappapatay ket napnon dagiti siudad iti kinaranggas.

24 Yegkonto ditoy dagiti kadaksan a nasion, ket ipaluboskonto a tagikuaenda dagiti balbalayyo. Mapukawton dagiti napipigsa a lallaki ti panagtalekda kadagiti bagbagida inton palubosak dagiti nasion a mangtulaw kadagiti lugar a pagdaydayawanyo.

25 Mapukawen ti namnama. Birokenyonto ti talna ket pulos a diyonto masarakan.

26 Agsasarunonto a dumteng ti didigra, kasta met ti dakes a damag. Agpakpakaasikayto kadagiti profeta nga ipakaammoda dagiti mapasamak iti masakbayan. Awanto ti maisuro dagiti papadi kadagiti tattao. Awanto met ti maibalakad dagiti panglakayen.

27 Agladingitto ti ari, mapukawto ti namnama ti prinsipe, ket agtigergerto dagiti tattao gapu iti buteng. Dusaenkayto gapu kadagiti amin nga inaramidyo, ket ukomenkayto a kas iti panangukomyo kadagiti sabali a tattao. Daytoyto ti mangipakita a siak ni Yahweh.”

Panagdaydayaw kadagiti Imahen idiay Jerusalem

1 Iti maikalima nga aldaw ti maikanem a bulan ti maikanem a tawen ti pannakaitalawmi a kas balud, agtugtugaw a makisarsarita kaniak iti balayko dagiti papangulo dagiti naitalaw a taga-Juda. Pagammoan, immay kaniak ti pannakabalin ti Apo aDios.

2 Timmangadakket nakitak iti parmata ti umap-apuy a kasla tao. Manipud iti siket nga agpababa, kasla apuy ti bagina. Manipud iti siket nga agpangato naraniag a kasla napasileng a bronse.

3 Inyunnatna ti kasla ima ti tao ket ginammatanna ti buokko. Iti daytoy a parmata, impangatonak ti espiritu ti Dios ket impannak idiay Jerusalem. Indissonak iti akin-uneg a pagserkan iti akin-amianan a ruangan ti Templo nga ayan ti maysa nga imahen a makarimon iti Dios.

4 Nakitaksadiay ti makapurar a lawag a mangipakita iti kaadda ti Dios ti Israel, kas iti nakitak idi addaak iti igid ti Karayan Kebar.

5 Kinuna ti Dios kaniak, “Anak ti tao, kumitaka iti amianan.” Kimmitaak, ket iti asideg ti altar iti ruangan a pagserkan nakitak ti estatua a makarimon iti Dios.

6 Kinuna ti Dios kaniak, “Anak ti tao, makitam kadi ti ar-aramiden dagiti Israelita? Kitaem dagiti makarimon nga ar-aramidenda ditoy a pakaigapuan ti pannakayadayok iti nasantoan a lugarko. Ad-adunto pay ti makitam a dakdakes ngem dagitoy.”

7 Impannak iti pagserkan ti akinruar a paraangan, ket impakitana kaniak ti maysa nga abut iti bakud.

8 Kinunana, “Anak ti tao, palawaem dayta nga abut.” Tinubtobak ti bakud, ket nakitak ti maysa a ruangan.

9 “Sumrekka,” kinunana, “ket kitaem ti agkakadakes ken makarimon nga ar-aramidenda ditoy.”

10 Simrekak ngarud ket kinitak. Napno dagiti diding kadagiti naikur-it a ladawan dagiti uleg ken sabsabali nga animal a maibilang a narugitken dagiti dadduma a banag a pagdaydayawan dagiti Israelita.

11 Pitopulo a papangulo nga Israelita ti adda sadiay, agraman ni Jaazanias nga anak ni Safan. Siiiggem ti tunggal maysa iti pagpuoran iti insenso, ket umasimbuyok ti asuk ti insenso.

12 Sinaludsod ti Dios kaniak, “Anak ti tao, makitam dagiti nalimed nga ar-aramiden dagiti papangulo dagiti Israelita? Addada amin nga agdaydayaw iti maysa a kuarto a napno kadagiti imahen. Kunada nga ipambar, ‘Saannatayo a makita tiApo. Binaybay-anen tiApoti pagilian.’”

13 Kalpasanna, kinuna tiApokaniak, “Makitamto ida nga agaramid kadagiti makarimon a banag a dakdakes ngem dagita.”

14 Iti kasta, impannak iti akin-amianan a pagserkan ti Templo ket impakitana kaniak dagiti babbai nga agsasangit gapu iti ipapatay ni didiosen a Tammuz.

15 Sinaludsodna, “Anak ti tao, makitam dayta? Ad-adunto pay ti makitam a makarimon.”

16 Iti kasta, inserreknak iti akin-uneg a paraangan ti Templo. Adda agarup 25 a lallaki iti pagserkan ti santuario, iti nagbaetan ti altar ken ti pagnaan. Nakatallikudda iti santuario, ket agtamtamedda iti daya nga agdaydayaw iti lumlumgak nga init.

17 Kinuna tiApokaniak, “Anak ti tao, makitam dayta? Saan a mapnek dagitoy a tattao ti Juda nga agar-aramid kadagiti makarimon a bambanag kas makitam ditoy, ken iti panangisaknapda ti kinaranggas iti entero a pagilian. Wen, saanda a mapnek. Masapul nga umayda ditoy mismo a Templo ket degdeganda ti pungtotko. Kitaem no kasano ti panangpabainda kaniak iti kadaksan a wagas!

18 Mariknadanto ti amin a dawel ti pungtotko. Diakto pakawanen wenno kaasian ida. Uray no ipukkawda ti kararagda iti ingga ti kabaelanda, diakto ipangag ida.”

Ti Pannakadusa ti Jerusalem

1 Nangngegko nga impukkaw ti Dios, “Umaykayo, dakayo a nadutokan a mangdusa iti siudad. Itugotyo dagiti igamyo.”

2 Dagus a rimmuar ti innem a lallaki iti akinruar nga akin-amianan a ruangan ti Templo. Adda igam ti tunggal maysa. Kaduada ti maysa a tao a nakakawes iti linen ken nakasalikad iti pagsurat. Napanda amin nagtakder iti asideg ti altar a bronse.

3 Kalpasanna, nagpangato ti makapurar a lawag a mangipakita iti kaadda ti Dios ti Israel manipud kadagiti nagpayak a parsua a nagsaadanna ket nagdisso iti pagserkan ti Templo. Pinukkawan tiApoti tao a nakakawes iti linen.

4 Kinunana,“Sursorem ti siudad ti Jerusalem, ket markaam ti muging dagiti agasug ken mariribukan gapu iti amin a makarimon a maar-aramid iti siudad.”

5 Nangngegko met a kinuna ti Dios kadagiti dadduma a lallaki, “Surotenyo nga agsursor iti siudad ket agpapataykayo. Awan ispalenyo. Awan kaasianyo.

6 Patayenyo dagiti lallakay, babbaro, babbalasang, inna ken ubbing. Ngem diyo sagsagiden dagiti adda marka ti mugingna. Irugiyo ditoy Templok.” Iti kasta, rinugianda ti nagpapatay ket inunada dagiti papangulo nga agtaktakder iti Templo.

7 Kinuna ti Dios kadakuada, “Tulawanyo ti Templo. Punnoenyo ti paraangan kadagiti bangkay. Rugianyon ti agtrabaho!” Ngarud, rinugianda ti nagpapatay kadagiti tattao iti siudad.

8 Sisiak ti nabati iti Templo bayat ti panagpapatayda. Nagpaklebak, ket impukkawko, “O Apo aDios, makapungtotka kadi la unay iti Jerusalem ta papatayem amin a natda nga Israelita?”

9 Insungbat ti Dios, “Nadagsen dagiti basol dagiti Israelita ken dagiti taga-Juda. Nagpapatayda iti entero a daga ket insaknapda ti kinadakes iti Jerusalem. Kunada, ‘Binaybay-anen tiApoti dagatayo. Saannatayo a makita.’

10 Aramidek kadakuada ti inaramidda kadagiti padada a tao.”

11 Kalpasanna, nagsubli ti tao a nakakawes iti linen. Kinunana ken ni Yahweh, “Naaramidkon ti imbilinmo kaniak.”

Pumanaw ti Dayag ni Yahweh

1 Kimmitaakiti atep, iti ngatoen dagiti ulo dagiti sibibiag a parsua ket adda nakitak a kasla trono a naaramid iti safiro.

2 Kinunati Dios iti lalaki a nakakawes iti linen, “Sumrekka iti nagbaetan dagiti pilid iti babaen dagiti animal. Rumakemka iti sumsumged a beggang, ket iwarawaram iti ngatoen ti siudad.”

Siniputak ti ipapanawna.

3 Sitatakder dagiti parsua iti abagatan ti Templo idi sumrek ti lalaki, ket adda ulep a nangpunno iti akin-uneg a paraangan.

4 Manipud kadagiti parsua, nagpangato ti makapurar a lawag a mangipakita iti kaadda tiApoket nagturong iti ruangan ti Templo. Kalpasanna, napno ti Templo iti ulep ket agranraniag ti paraangan iti makapurar a lawag.

5 Mangngeg uray iti akinruar a paraangan ti payakpak dagiti animal. Kasla timek ti Dios a Mannakabalin-amin.

6 Idi bilinen tiApoti lalaki a nakakawes iti linen a mapan mangala iti apuy nga adda iti nagbaetan dagiti pilid iti babaen dagiti parsua, simrek ti lalaki ket nagtakder iti abay ti maysa a pilid.

7 Adda apuy iti nagbabaetan dagiti kerubim. Nangala ti maysa kadakuada iti beggang sana inkabil kadagiti ima ti lalaki. Innala ti lalaki ket rimmuar.

8 Nakitak nga adda kasla ima ti tao iti babaen ti tunggal payak dagiti parsua.

9-10 Nakitakpay nga adda maysa a pilid iti abay ti tunggal parsua. Agpapada dagiti uppat a pilid ket agranraniagda a kasla napateg a bato. Iti uneg ti tunggal pilid, adda sabali a pilid a naipakuros.

11 No aggunay dagiti parsua, mabalinda ti agturong iti sadinoman a kayatda a saanda nga agpusipos. Agmaymaysada nga agturong iti sadinoman a kayatda a pagturongan.

12 Pasiga mata ti nangbungon iti bagida agraman dagiti bukot, ima, payak ken dagiti pilid.

13 Dagitoy met la a pilid ti nakitak iti immuna a parmatak.

14 Addauppat a rupa ti tunggal parsua. Ti umuna, rupa ti baka; ti maikadua, rupa ti tao; ti maikatlo, rupa ti leon; ket ti maikapat, rupa ti agila.

15 (Dagitoy met la a parsua ti nakitak iti igid ti Karayan Kebar.) No agpangato dagiti parsua

16 ket aggunayda, aggunay met dagiti pilid. No tumayabda, sumurot latta kadakuada dagiti pilid.

17 No agsardengda, agsardeng met dagiti pilid. No tumayabda, sumurot kadakuada dagiti pilid, agsipud ta iturayan ida dagiti parsua.

18 Kalpasanna, pimmanaw ti makapurar a lawag a mangipakita iti kaadda ni Yahweh iti pagserkan ti Templo, ket napan iti ngatoen dagiti parsua.

19 Inukrad dagiti parsua dagiti payakda ket nagtayabda nga immadayo iti daga. Nakitak ida a pimmanaw, ket kimmuyog dagiti pilid. Nagsardengda bassit iti akindaya a ruangan ti Templo, ket adda iti ngatoenda ti makapurar a lawag.

20 Nailasinko a dagitoy met la a parsua ti nakitak idi iti igid ti Karayan Kebar bayat ti panangawitda iti Dios ti Israel a situtugaw iti tronona.

21 Uppat ti rupa ken uppat ti payak ti tunggal maysa kadakuada. Adda kasla ima ti tao iti baba ti tunggal payakda.

22 Umasping dagiti rupada kadagiti rupadagiti nakitak idi iti parmatak iti igid ti Karayan Kebar. Pasango ti turong ti tunggal animal.