Category: Ezekiel

1 Kalpasanna, impannak ti lalaki iti akintengnga a kuarto. Rinukodna ti pagnaan: 10 a kadapan ti kaunegna,

2 ken 18 a kadapan ti kalawana. Walo a kadapan ti kapuskol ti agsumbangir a didingna. Rinukodna ti kuarto: 68 a kadapan ti kaatiddogna ken 34 a kadapan ti kaakabana.

3 Simrek ti lalaki iti maudi a kuarto. Rinukodna ti pagnaan: Tallo a kadapan ti kaunegna, ket 10 a kadapan ti kalawana. Sangapulo ket maysa a kadapan ti kapuskol dagiti agsumbangir a didingna.

4 Rinukodna ti kuarto. Tallopulo ket uppat a kadapan a kuadrado ti rukodna. Kinunana kaniak, “Daytoy ti Kasantoan a Disso.”

Dagiti Kuarto a Nayampir kadagiti Diding ti Templo

5 Rinukod ti lalaki ti kapuskol ti akinruar a diding ti Templo: 10 a kadapan. Naikapet iti aglikmut iti Templo ti adu a babassit a kuarto a pito a kadapan ti kaakaba.

6 Tallo ti kadsaaran dagiti kuarto. Tallopulo a kuarto ti tunggal kadsaaran. Uming-ingpis ti diding ti Templo iti tunggal kadsaaran tapno agsadag dagiti kuarto iti diding uray saanda a maikapet iti diding ti Templo.

7 Iti kasta, no kitaen manipud iti ruar, kasla agpapada ti kapuskol dagiti diding ti Templo manipud iti baba nga agpangato. Daytoy ti gapuna a mabalin ti mapan iti akintengnga ken akingngato a kadsaaran manipud iti akimbaba a kadsaaran.

8-11 Walo a kadapan ti kapuskol ti akinruar a diding dagitoy a kuarto; adda maysa a ruangan a mapan kadagiti kuarto iti akin-amianan a paset ti Templo ken maysa a ruangan nga agturong kadagiti kuarto iti abagatan a paset. Nakitak nga adda nangato a pagnaan iti lawlaw ti Templo; 10 a kadapan ti pagngatngatoenna iti likmut ken katukad ti fondasion dagiti kuarto a naikapet kadagiti diding ti Templo. Iti nagbaetan ti pagnaan ken dagiti patakder nga us-usaren dagiti papadi, adda pagnaan 34 a kadapan ti kaakabana iti lawlaw ti Templo.

Ti Patakder iti Laud

12 Adda patakder iti laud a sumango iti Templo. Sangagasut ket limapulo a kadapan ti kaatiddogna ken 116 a kadapan ti kaakabana. Siam a kadapan ti kapuskol dagiti didingna nga aglawlaw.

Ti Pakadagupan ti Rukod ti Templo

13 Rinukod ti lalaki ti ruar ti Templo. Limapulo a metro ti kaatiddogna. Kasta met ti rukod manipud iti likudan ti Templo agingga iti paraangan a dumanon iti kaadaywan a paset ti patakder iti laud.

14 Limapulo a metro met ti kaadayo ti sangoanan ti Templo agraman ti bakante a lugar iti agsumbangir.

15 Rinukodna ti kaatiddog ti patakder iti laud ti Templo ken dagiti agsumbangir a diding a sumango iti paraangan: 50 met a metro ti kaatiddogna.

Dagiti Paspaset ti Templo

Ti masungad a kuarto iti Templo, ti Nasantoan a Disso, ken ti Kasantoan a Disso,

16 natapkalan iti kayo manipud iti datar agingga kadagiti tawa. Mabalin a serraan dagiti tawa.

17 Nasaknapan dagiti akin-uneg a diding kadagiti imahen agingga iti kangato dagiti ridaw.

18 Sinan-palma ken sinan-nagpayak a parsua dagiti naikitikit. Nagbibinnallaet a naikitikit ti ladawan dagiti sinan-palma ken dagiti nagpayak nga animal iti diding iti entero a kuarto. Dua ti rupa ti tunggal nagpayak nga animal:

19 rupa ti tao ti maysa a sumango iti palma ken rupa ti leon ti maysa a sumango iti bangir a palma. Kasta ti naikitikit iti aglikmut,

20 manipud iti datar agingga iti kangatoan a paset ti ridaw.

21 Kuadrado dagiti poste ti Nasantoan a Disso.

Ti Altar a Kayo

Iti sangoanan ti pagserkan ti Kasantoan a Disso, adda kasla

22 altar a kayo. Maysa ket kagudua a metro ti kangato ken maysa a metro ti kaakabana. Pasig a kayo dagiti poste ti sulina, ti pagbatayannaken dagiti didingna. Imbaga kaniak ti lalaki, “Daytoy ti lamisaan nga adda iti sangoanan tiApo.”

Dagiti Ridaw

23 Adda ridaw iti tunggal dalan nga agturong iti Nasantoan a Disso, kasta met iti dalan nga agturong iti Kasantoan a Disso.

24 Aglukat iti tengnga dagiti dua a rikep ti ridaw.

25 Kas kadagiti diding, naikitikit kadagiti rikep ti Nasantoan a Disso dagiti ladawan dagiti nagpayak nga animal ken sinan-palma. Adda tapar a kayo iti akinruar a paset ti ridaw a sumrek iti kuarto.

26 Adda dagiti tawa iti sikigan daytoy a kuarto, ket naikitikit dagiti sinan-palma kadagiti diding.

Dagiti Dua a Patakder iti Asideg ti Templo

1 Inkuyognak ti lalaki a napan iti akinruar a paraangan ket nagtuloykam iti maysa a patakder iti akin-amianan a paset ti Templo iti saan nga adayo iti patakder nga adda iti akinlaud a pungto ti Templo.

2 Agatiddog daytoy a patakder iti 168 a kadapan ken 84 a kadapan ti kaakabana.

3 Iti maysa a bangir, sumango iti bakante a lugar nga agrukod iti 34 a kadapan iti abay ti Templo. Iti maysa a bangir, sumango iti dalan iti akinruar a paraangan. Naaramid a tallo a katukad ti patakder, tunggal maysa naisanud ti pannakaipasdekna iti nakaituonanda.

4 Adda dalan a 16 a kadapan ti kaakabana ken 168 a kadapan ti kaatiddogna iti akin-amianan a bangir. Adda dagiti pagserkan iti dayta a bangir.

5 Ak-akikid dagiti akingngato a kuarto ngem dagiti akimbaba ken akintengnga a kuarto agsipud ta naipasanudda.

6 Dagiti kuarto kadagiti tallo a katukad, natukantukadda ket awan ti adigida a kas kadagiti patakder iti paraangan.

7-8 Iti akimbaba a kadsaaran, iti akinruar a diding ti patakder, buhos ti 84 a kadapan ti kaatiddogna ket adda kukuarto ti nabati nga 84 a kadapan. Iti akingngato a kadsaaran, adda kukuarto iti entero a kaatiddog ti patakder.

9-10 Iti akindaya a pungto ti patakder a pangrugian ti diding,adda dagiti ridaw nga agturong iti akinruar a paraangan.

Iti abagatana paset ti Templo, adda umasping a patakder a saan nga adayo iti patakder nga adda iti akinlaud a pungto ti Templo.

11 Adda dalan iti sangoanan dagiti kuarto a kas iti dalan nga adda iti bangirna ti amianan. Pumada ti rukod ti pannakaaramid ken ti kita dagiti pagserkanna.

12 Adda ridaw ti babaen dagiti kuarto iti bangirna ti abagatan ti patakder, iti akindaya a pungto a pangrugian ti diding.

13 Kinuna ti lalaki kaniak, “Nasantoan dagitoy dua a patakder a panganan dagiti papadi kadagiti kasantoan a daton no dumatagda iti sangoanan tiApo. Gapu ta nasantoan dagiti kuarto, ikabil dagiti papadi dagiti kasantoan a sagut sadiay: dagiti daton a makan, daton a pakapakawanan ti basol wenno daton gapu iti basol.

14 No rummuar dagiti papadi iti Templo, ket kayatda ti mapan iti akinruar a paraangan, masapul nga ibatida kadagitoy a kuarto dagiti nasantoan a pagan-anay nga inusarda bayat ti panagserbida itiApo. Agkawesdanto kadagiti sabali a pagan-anay sakbay a rummuarda iti paguummongan dagiti tattao.”

Ti Rukod ti Masakupan ti Templo

15 Idi narukoden ti lalaki ti uneg ti Templo, rimmuarkami iti pagserkan a sumango iti daya sana rinukod ti ruar ti Templo.

16-19 Iti bangirna ti daya, agrukod iti 840 a kadapan; kastoy met ti rukod iti bangirna ti amianan, abagatan ken laud ti Templo.

20 Iti kasta, sakupen ti bakud ti 840 a kadapan a kuadrado. Agserbi ti bakud a kas baet ti nasantoan a lugar ken ti saan a nasantoan.

Agsubli ni Yahweh iti Templo

1 Impannak ti lalaki iti pagserkan a sumango iti daya.

2 Sadiay,nakitak ti idadateng ti dayag ti Dios ti Israel manipud iti daya. Kasla daranudor ti dalluyon ti baybay ti timek ti Dios, ket nagraniag ti daga iti makapurar a lawag.

3 Umasping daytoy a parmata iti nakitak idi narebbek ti Jerusalem ken iti nakitak idi idiay igid ti Karayan Kebar. Nagpaklebak.

4 Limmasat ti makapurar a lawag iti akindaya a pagserkan ket napan iti Templo.

5 Impangatonak ti espiritu tiApoket impannak iti akin-uneg a paraangan. Nakitak sadiay ti Templo a napno iti dayag tiApo.

6 Sadiay, nagtakder ti lalaki iti abayko, ket nangngegko tiApoa nakisao kaniak manipud iti Templo.

7 Kinunana, “Anak ti tao, daytoy ti tronok. Makipagnaedak ditoy kadagiti Israelita ket iturayak ida iti agnanayon. Saanton a tulawan dagiti Israelita ken dagiti arida ti nasantoan a naganko babaen iti panagdaydayawda kadagiti didiosen wenno babaen iti panangipasdekda iti monumento dagiti natay nga arida.

8 Indekket dagiti ari dagiti inaramidda a dapian ken baotek ti palasioda kadagiti dapian ken baotek ti Templok. Diding laeng ti nagbabaetanmi. Tinulawanda ti nasantoan a naganko kadagiti makarimon nga aramidda ket gapu iti pungtotko, dinadaelko ida.

9 Ita, masapul nga isardengdan ti panagdaydayawda kadagiti didiosen ken dadaelenda dagiti monumento dagiti arida. No aramidenda ti kasta, makipagnaedakto kadakuada iti agnanayon.”

10 Ket intuloy tiApo, “Anak ti tao, iladawam ti Templo kadagiti Israelita. Ibagam nga adalenda ti planona. Ibagam kadakuada nga agbainda iti dakes nga aramidda.

11 No agbainda, ilawlawagmo kadakuada ti plano ti Templo: ti langana, dagiti pagserkan ken dagiti pagruaranna, ti sukogna, ti pannakaurnos dagiti alikamenna ken dagiti amin nga alagaden ken linteg a maannurot iti Templo. Isuratmo amin dagitoy tapno makitada ti pannakaurnos ti amin nga adda iti Templo ken tapno ammoda a tungpalen dagiti amin nga alagaden.

12 Daytoy ti linteg iti Templo: Nasagradoan ken nasantoan ti amin a lugar iti lawlawna iti tapaw ti bantay.”

Ti Altar

13 Daytoyti rukod ti altar, segun ti pagrukod a naaramat iti pannakarukod ti Templo. Iti aglikmut iti puon ti altar, adda pagayusan a 50 a sentimetro ti kaunegna ken 50 a sentimetro ti kaakabana. Adda leblebna a 25 a sentimetro ti kangatona.

14 Uppat a kadapan ti katayag ti kababaan a paset ti altar. Limapulo a sentimetro ti kangato ti sumaruno a tukad a naipasanud iti duapulo a pulgada manipud igidna nga aglawlaw. Ti sumaruno naipasanud met manipud iti igid iti duapulo a pulgada nga aglawlaw ket pito a kadapan ti kangatona.

15 Ditoy kangatoan a tukad ti pakapuoran dagiti daton. Dua a metro ti kangatona. Nangatngato dagiti uppat a sulina ngem ti dadduma a paset ti rabawna.

16 Kuadrado ti rabaw ti altar. Innem a metro ti tunggal sikigan.

17 Kuadrado met ti akintengnga a tukad. Pito a metro iti tunggal sikigan. Naun-uneg iti 25 a sentimetro ngem ti nakaisaadanna a tukad. (Limapulo a sentimetro ti kalawa ti pagayusanna.) Adda iti akindaya a paset ti agdan nga agpangato iti altar.

Maikonsagrar ti Altar

18 Kinunati Apo aDioskaniak, “Anak ti tao, denggem ti ibagak kenka. Inton malpas ti altar, masapul nga ikonsagrarmo babaen ti panangidatagmo iti daton a mapuoran iti rabawna ken ti panangwarsim iti dara dagiti animal a maidaton.

19 Dagiti laeng Levita a papadi a kaputotan ni Zadok ti umay dumatag nga agserbi kaniak. Siak, ti Apo aDios, ti mangibilin iti daytoy. Ikkamto ida iti bumaro a baka nga idatagda a kas daton gapu iti basol.

20 Mangalaka iti dara ti baka ket ipulagidmo kadagiti uppat a suli iti rabaw ti altar ken kadagiti uppat a suli ti akintengnga a tukad ti altar ken iti aglikmut nga ikingna. Kastoy nga annongem ti seremonia ti pannakadalus ken panangikonsagrarmo iti altar.

21 Alaem ti baka a naidaton gapu iti basol ket puoram iti naituding a lugar iti ruar ti Templo.

22 Iti sumuno nga aldaw, mangalaka iti bulog a kalding nga awan pakapilawanna ket idatagmo a kas daton gapu iti basol. Annongem ti seremonia ti pannakadalus ti altar babaen iti dara dayta a kalding a kas iti inaramidmo iti dara ti baka.

23 Kalpasanna, mangalaka iti bumaro a baka ken iti kalakian a karnero nga awan pakapilawanda.

24 Idatagmo ida kaniak. Warakiwakan dagiti papadi dagitoy nga animal iti asin sada puoran a kas daton kaniak.

25 Iti las-ud ti pito nga aldaw, inaldaw a mangidatagka iti daton gapu iti basol: maysa a kalakian a kalding, maysa a bumaro a baka ken maysa a kalakian a karnero. Masapul nga awan ti pakapilawanda.

26 Pito nga aldaw nga ikonsagrar dagiti papadi ti altar ket isaganada ti pannakausarna.

27 Iti maikawalo nga aldaw, irugi dagiti papadi ti agidatag kadagiti daton a mapuoran ken daton a pakikappia dagiti tattao iti rabaw ti altar. Iti kasta, maragsakanakto kadakayo amin. Siak, ti Apo aDios, ti agsasao.”

Ti Usar ti Akindaya a Ruangan

1 Impannak ti lalaki iti akinruar a ruangan iti akindaya a bangir ti sakup ti Templo. Siririkep ti ruangan.

2 Kinuna ni Yahweh kaniak, “Agtalinaed a siririkep daytoy a ruangan ket pulos a di maluktan. Awan ti makastrek iti daytoy a ruangan ta siak, ni Yahweh a Dios ti Israel, simrekak iti dayta a ruangan. Masapul nga agtalinaed a siririkep.

3 Nupay kasta, mabalin a mapan sadiay ti prinsipe nga agturay tapno kanenna ti nasantoan a taraon iti imatangko. Sumrek iti ruangan nga agturong iti masungod a kuarto iti akin-uneg a pungto. Isunto met laeng ti ruaranna.”

Dagiti Annuroten ti Mapalubosan a Sumrek iti Templo

4 Impagnanak ti lalaki iti akin-amianan a ruangan a mapan iti sangoanan ti Templo. Naimatangak a napno ti Templo iti makapurar a lawag tiApo. Nagpaklebak.

5 Kinuna tiApokaniak, “Anak ti tao, tandaanam a naimbag ti amin a makitam ken mangngegmo. Ibagak kenka dagiti annuroten ken alagaden iti Templo. Tandaanam a naimbag no siasino dagiti mapalubosan a sumrek ken rummuar iti Templo.

6 “Ibagam kadagita nasukir a tattao ti Israel a siak, ti Apo aDios, pasardengekon dagiti nakababain nga ar-aramidenda.

7 Tinulawanda ti Templo babaen iti panangipalubosda a sumrek dagiti ganggannaet a di nakugit a tattao a saan nga agtulnog kaniak—iti Templo bayat ti pannakaidatag ti taba ken dara dagiti sakrifisio a maidaton kaniak. Ngarud, sinalungasing dagiti tattaok ti nagtutulaganmi gapu kadagiti amin a nakababain nga aramidda.

8 Saan nga isuda ti nangannong kadagiti nasagradoan a seremonia iti Templok, ngem impaannongda ketdi kadagiti ganggannaet.

9 “Manipud ita, siak, ti Apo aDiosipakaammok a saanen a mapalubosan a sumrek iti Templok ti saan a nakugit a ganggannaet, uray pay ti ganggannaet a makipagtataeng kadagiti Israelita.”

Mailaksid dagiti Levita iti Kinapadi

10 Kinuna tiApokaniak, “Dusaek dagiti Levita agraman dagiti dadduma nga Israelita a nangtallikud kaniak ken nagdaydayaw kadagiti didiosen.

11 Mabalin nga agserbida kaniak iti Templo babaen iti panangaywanda kadagiti ruangan ken ti panangannongda iti trabaho iti Templo. Mabalin a partienda dagiti animal nga idatag dagiti tattao a kas daton a mapuoran ken sakrifisio ken agannongda nga agserbi kadagiti tattao.

12 Ngem gapu ta inannongda ti seremonia ti panagdaydayaw kadagiti didiosen kadagiti Israelita ket daytoy ti nangiturong kadagiti tattao nga agbasol, ngarud, siak, ti Apo aDios, isapatak a masapul a madusada.

13 Saanda nga agserbi kaniak a kas padi, wenno umasideg kadagiti aniaman nga ibilangko a nasantoan wenno sumrek iti kasantoan a lugar. Daytoy ti dusada kadagiti nakababain nga inaramidda.

14 Ipaannongko kadakuada ti amin a trabaho ti adipen iti Templo.”

Dagiti Papadi

15 Kinuna ti Apo aDios, “Nupay kasta, dagiti Levita a padi a kaputotan ni Zadok, intultuloyda ti agserbi kaniak a sipupudno iti Templo idi tinallikudandak dagiti dadduma nga Israelita. Ngarud, isuda laeng ti mabalin a mangidatag iti sangoanak kadagiti taba ken dara ti daton.

16 Isuda laeng ti makastrek iti Templok, agserbi iti altarko ken mangidalan iti panagdaydayaw iti Templo.

17 Nosumrekda iti pagserkan nga agturong iti akin-uneg a paraangan iti Templo, agkawesda iti linen. Masapul a dida agkawes iti aniaman a naaramid iti de lana no agserserbida iti akin-uneg a paraangan wenno iti Templo.

18 Tapno dida agling-et, agarruatda iti linen a turban ken linen a pantalon ngem dida agbarikes.

19 Sakbaya mapanda iti akinruar a paraangan nga ayan dagiti tattao, masapul nga uksobenda dagiti pagan-anay nga inaramatda a nagserbi iti Templo. Ibatida dagitoy kadagiti nasagradoan a kuarto ket sabali a pagan-anay ti ikawesda tapno saan a madangran dagiti tattao.

20 “Saannga agpakalbo dagiti papadi ngem dida met unay paatiddogen ti buokda. Kalalaingan laeng ti pukisda.

21 Saannga uminum ti padi iti arak sakbay a sumrek iti akin-uneg a paraangan.

22 Awanpadi a mapalubosan a mangasawa iti naisina a babai. Dagiti laeng babbalasang nga Israelita wenno ti biuda ti maysa a padi ti mabalinda nga asawaen.

23 “Masapulnga isuro dagiti papadi dagiti tattaok ti paggiddiatan ti nasantoan ken ti saan, ti paggiddiatan ti nadalus iti imatang ti linteg ken ti saan.

24 No adda rumsua a riri a mainaig iti linteg, risuten dagiti papadi ti riri kas sagudayen dagiti lintegko. Masapul a ngilinenda dagiti nasagradoan a fiesta kas mayannurot kadagiti annuroten ken paglintegak. Ngilinenda met dagiti Aldaw a Panaginana.

25 “Saana rugitan ti padi ti bagina iti imatang ti linteg babaen iti panangsagidna iti bangkay malaksid no bangkay dagiti nagannak kenkuana, dagiti annakna, ti kabsatna a lalaki wenno kabsatna a babai nga awan asawana.

26 Kalpasan ti pannakadalusna manen, masapul nga aguray iti pito nga aldaw

27 sa sumrek iti akin-uneg a paraangan ti Templo ket mangidatag iti daton nga agpaay iti pannakadalusna tapno makapagserbi manen iti Templo.” Daytoy ti sao ti Apo aDios.

28 “Awanti tawiden dagiti papadi iti Israel. Siak ti tawidda. Saanda a mapalubosan a maaddaan iti sanikua iti Israel. Siak ti sanikuada.

29 Dagitidaton a makan, dagiti daton a pakapakawanan ti basol ken dagiti daton gapu iti basol ti agpaay a taraon dagiti papadi. Awatenda amin nga ilasin dagiti Israelita a para kaniak.

30 Kukua dagiti papadi ti kasayaatan kadagiti amin nga umuna nga apit ken amin a maidatag kaniak. Tunggal agluto dagiti tattao iti tinapay, masapul nga itedda kadagiti papadi ti umuna a maluto a kas daton ket bendisionak dagiti pagtaenganda.

31 Maiparitnga agsida dagiti papadi kadagiti tumatayab wenno animal a natay wenno pinatay ti sabali nga animal.”

Ti Bingay ni Yahweh iti Daga

1 Inton mabingbingay ti daga ket maikkan ti tunggal tribu iti bingayna, maysa a paset ti maidaton itiApo. Sangapulo ket dua ket kagudua a kilometro ti kaatiddog ken 10 a kilometro ti kaakabana. Maibilang a nasantoan ti entero a paset.

2 Iti daytoy a disso, mailasin ti 250 a metro a kuadrado a pakabangonan ti Templo ken nalikmut iti bakante a lugar a 25 a metro ti kaakaba.

3 Kagudua daytoy a disso ti mailasin a pakaipatakderan ti Templo, ti kasantoan a lugar; sangapulo ket dua ket kagudua a kilometro ti kaatiddog ken lima a kilometro ti kaakabana.

4 Nasantoanto daytoy a paset ti pagilian a mailasin nga agpaay kadagiti papadi nga agserbi itiApoiti Templona. Ditoyto ti pakabangonan dagiti balbalayda ken pakaipatakderan ti Templo.

5 Ti sabali a kagudua ket mailasin a kukua dagiti Levita nga agserbi iti Templo. Addanto il-ili sadiay a pagnaedanda.

6 Addanto met disso a mailasin a pakabangonan ti siudad a dumna iti nasantoan a lugar. Agrukod iti 12 ket kagudua a kilometro ti kaatiddog ken dua ket kagudua a kilometro ti kaakabana. Mabalinto ti siasinoman nga Israelita ti agnaed sadiay.

Daga nga Agpaay iti Prinsipe

7 Masapul nga adda met daga a mailasin nga agpaay iti prinsipe nga agturay. Manipud iti akinlaud a beddeng iti nasantoan a disso, agpa-laud iti Taaw Mediterranean; manipud iti akindaya a beddeng dumanon iti akindaya a beddeng ti pagilian. Pumada ti kaatiddogna iti kaatiddog ti maysa kadagiti disso a naituding kadagiti tribu ti Israel.

8 Daytoyto a disso ti bingay ti prinsipe nga agturay iti daga ti Israel tapno dinanton idadanes dagiti tattao ket ipalubosna ti dadduma a paset ti pagilian a tagikuaen dagiti tribu ti Israel.

Dagiti Alagaden ti Agturay

9 Kinuna ti Apo aDios, “Nabayag unayen nga agbasbasolkayo, dakayo a turayen ti Israel! Isardengyon ti kinaranggas ken panangidadanesyo kadagiti tattao. Aramidenyo ti tumutop ken nalinteg. Masapul a diyon pagtalawen dagiti tattaok iti dagada. Siak, ni Yahweh, a Dios ti mangibagbaga kadakayo iti daytoy.

10 “Masapulnga agusar tunggal maysa iti husto a pagtimbangan ken pagsukatan.

11 “Ti efa ti mausar kadagiti namaga a sukaten ket pumada ti bat a mausar iti likido. Ti omerisu ti mausar a pagibasaran. Adtoy dagiti sukat:

1 omer = 10 efa = 10 bat

12 “Dagiti pagtimbanganyo isu dagitoy:

20 gera = maysa a siklo

60 siklo = maysa a mina

13-15 “Daytoy ti pangibasaranyo kadagiti daton nga idatagyo:

Trigo: apagkanem a pulo a

paset ti apityo.

Sebada: apagkanem a pulo a

paset ti apityo.

Lana ti olibo: apagkasangagasut ti maibunga dagiti kayoyo.

(Sukatenyo iti bat: 10 bat = maysa nga omer = 1 kaor.)

Karnero: maysa a karnero ti

tunggal duagasut manipud iti pagaraban ti Israel.

“Mangidatagkayo iti daton a makan, animal a mapuoran a sibubukel, animal a daton a pakikappia, tapno mapakawan dagiti basbasolyo. Siak nga Apo aDiosti mangibilin iti daytoy.

16 “Maipan dagitoy a daton iti prinsipe a madama nga agturay ti Israel.

17 Pagrebbenganna ti mangted iti animal a mapuoran a sibubukel, dagiti daton a makan ken dagiti daton a mainum a maipaay iti entero nga Israel iti Fiesta ti Lutuad, dagiti Aldaw a Panaginana, ken dadduma a fiesta. Isu ti mangted iti daton a pakapakawanan ti basol, iti daton a makan, dagiti daton a sibubukel a mapuoran ken kadagiti daton a pakikappia tapno mapakawan ti basol dagiti tattao ti Israel.”

Dagiti Fiesta

18 Kinuna ti Apo aDios, “Iti umuna nga aldaw iti umuna a bulan, mangidatonka iti toro a baka nga awan pakapilawanna, ket aramidem ti seremonia ti pannakadalus ti Templo.

19 Mangala ti padi iti dara ti animal a daton gapu iti basol ket ipulagidna kadagiti baotek ti ruangan ti Templo, kadagiti uppat a suli ti altar ken kadagiti adigi ti pagserkan nga agturong iti akin-uneg a paraangan.

20 Kastoyto manen ti aramidem iti maikapito nga aldaw iti dayta met la a bulan a maipaay iti siasinoman a nagbasol a dina igagara wenno dina ammo. Iti kasta, mapagtalinaedmo a nasantoan ti Templo.

21 Itimaika-14 nga aldaw iti umuna a bulan, irugim a rambakan ti Fiesta ti Paskua. Pito nga aldaw a manganto dagiti tattao iti tinapay nga awan lebadurana.

22 Iti umuna nga aldaw ti fiesta, masapul a mangidatag ti prinsipe a madama a turayen iti toro a baka a kas daton gapu kadagiti basolna ken gapu kadagiti basol dagiti amin a tattao.

23 Iti las-ud ti pito nga aldaw ti fiesta, inaldaw a mangidatag kaniak iti daton a mapuoran: pito a toro a baka, pito a kalakian a karnero nga awan pakapilawanda. Mangidatag pay iti maysa a bulog a kalding iti inaldaw kas daton gapu iti basol.

24 Iti tunggal baka ken karnero a maidaton, mapakuyogan iti kagudua a salup ti daton a makan ken tallo nga apagkapat a galon ti lana ti olibo.

25 “Nomaipapan iti Fiesta dagiti Abong-abong, mangrugi iti maika-15 nga aldaw ti maikapito a bulan. Inaldaw a mangidatag ti prinsipe a madama nga agturay iti daton gapu iti basol, daton a mapuoran a sibubukel ken daton a makan ken lana ti olibo. Kastoy ti aramidenna iti unos ti pito nga aldaw.”

Ti Prinsipe ken dagiti Fiesta

1 Kuna ti Apo aDios, “Bayat ti innem nga aldaw a panagtrabaho, agtalinaed a siririkep ti akindaya a ruangan nga agturong iti akin-uneg a paraangan, ngem maluktan iti Aldaw a Panaginana ken iti Fiesta ti Lutuad.

2 Magna ti agturay iti akinruar a paraangan ket sumrek iti dakkel a kuarto iti pagserkan ket agtakder iti abay ti adigi ti ruangan bayat ti panangpuor dagiti papadi kadagiti datonna a mapuoran a sibubukel ken dagiti datonna a pakikappia. Agdaydayaw sadiay ruangan sa met la rummuar. Masapul nga agtalinaed a silulukat ti ruangan agingga iti sumipnget.

3 Iti tunggal Aldaw a Panaginana ken iti tunggal Fiesta ti Lutuad, masapul nga agrukbab met dagiti amin a tattao ken ni Yahweh iti sango ti ruangan.

4 Iti Aldaw a Panaginana, masapul a mangidatag ti prinsipe iti innem nga urbon ti karnero ken maysa a kalakian a karnero a pasig nga awan pakapilawanna a mapuoran a maidaton ken ni Yahweh.

5 Pakuyoganna ti tunggal kalakian a karnero iti kagudua salup a daton a makan, ket iti tunggal urbon ti karnero, yegna ti aniaman a kayatna nga ited. Iti tunggal kagudua a salup a daton a makan, pakuyoganna iti tallo nga apagkapat ti galon a lana ti olibo.

6 Iti Fiesta ti Lutuad, mangidatag iti bumaro a baka, innem nga urbon ti karnero ken maysa a kalakian a karnero a pasig nga awan ti pakapilawanda.

7 Pakuyoganna iti kagudua ti salup a daton a makan ti tunggal toro a baka ken tunggal kalakian a karnero ket iti tunggal urbon ti karnero, aniaman a kayat nga ited ti prinsipe. Tallo nga apagkapat a galon ti lana ti olibo ti maipakuyog iti tunggal kagudua ti salup a daton a makan.

8 Masapul a rummuar ti agturay iti dakkel a kuarto iti pagserkan ket rummuar iti dalan a sinerkanna.

9 “No umay agdaydayaw dagiti tattao ken ni Yahweh iti uray ania a fiesta a sumrek iti akin-amianan a ruangan masapul a rummuarda iti akin-abagatan kalpasan ti panagdaydayawda. Dagiti sumrek iti akin-abagatan a ruangan masapul a rummuarda iti akin-amianan. Awan ti rummuar iti simrekanna no di ket rummuar iti bangir a ruangan.

10 Sumrek ti prinsipe no sumrek dagiti tattao ket rummuar met no rummuarda.

11 Kadagiti aldaw ti fiesta ken kadagiti naituding a fiesta, mapakuyogan ti tunggal toro a baka wenno kalakian a karnero iti kagudua a salup a daton a makan. Ipakuyog ti siasinoman nga agdaydayaw ti kayatna nga ited iti tunggal urbon ti karnero. Tallo nga apagkapat ti galon a lana ti olibo ti maipakuyog iti kagudua ti salup a daton a makan.

12 “No tarigagayan ti prinsipe ti mangidatag ken ni Yahweh iti daton nga agtaud iti bukodna a nakem, daton man a mapuoran a sibubukel wenno daton a pakikappia, maluktanto kenkuana ti akindaya a ruangan nga agturong iti akin-uneg a paraangan. Idatagna ti daton a kas iti panagidatagna iti Aldaw a Panaginana ket masapul a marikpan ti ruangan kalpasan ti ipapanawna.”

Ti Inaldaw a Daton

13 Kuna tiApo, “Tunggal bigat, maisagana ti maysa a karnero nga agtawen iti maysa nga awan depektona tapno mapuoran a sibubukel a kas daton ken ni Yahweh. Inaldaw a maidatag daytoy a daton.

14 Binigat met a maidatag ti lima a libra nga arina. Mapakuyogan daytoy iti apagkapat ti galon a lana ti olibo a maigamay iti arina. Maannurot iti agnanayon daytoy nga alagaden iti panagidatag iti daton ken ni Yahweh.

15 Binigat a maidatag ken ni Yahweh ti urbon a karnero, arina ken lana ti olibo iti agnanayon.”

Ti Prinsipe ken ti Daga

16 Ibilin ti Apo aDios, “No isagut ti prinsipe a madama nga agturay ti paset ti dagana iti maysa kadagiti annakna, kukuanto ti anakna a kas paset ti sanikua ti familiana.

17 Ngemno ited ti agturay ti aniaman a dagana iti maysa kadagiti agserserbi kenkuana, kukuanto manen ti agturay inton dumteng ti tawen ti pannakawayawaya.Kukuana ti daga ket isu ken dagiti annakna laeng ti mangtagikua iti agnanayon.

18 Saan a maipalubos nga alaen ti agturay ti aniaman a sanikua dagiti tattao. Ti laeng bukodna a daga ti mabalinna nga ited kadagiti annakna tapno maliklikan ti pannakaagaw ti daga ti siasinoman kadagiti tattaok.”

Dagiti Kosina ti Templo

19 Impannak ti lalaki iti pagserkan dagiti kuarto iti asideg ti ruangan iti akin-abagatan a paset ti akin-uneg a paraangan. Dagitoy dagiti nasagradoan a kuarto dagiti papadi. Intudona ti maysa a lugar iti akinlaud a paset dagiti kuarto,

20 ket kinunana, “Daytoy ti lugar a pagangeran dagiti papadi iti karne a daton a pakapakawanan ti basol wenno iti daton gapu iti basol ken ti pakalutoan ti daton a makan. Maaramid daytoy tapno awan ti nasantoan a mairuar iti akinruar a paraangan a pakaigapuan ti pannakaakar dagiti tattao.”

21-22 Kalpasanna, inturongnak ti lalaki iti akinruar a paraangan ket impakitana nga adda babbabassit a paraangan iti tunggal lugar kadagiti uppat a suli. Innem a pulo ket uppat a kadapan ti kaatiddog ken 50 a kadapan ti kaakabana.

23 Nakabite ti aglikmut iti tunggal paraangan. Adda paginudoan a naikamang kadagiti bakud ti tunggal paraangan.

24 Kinunana kaniak, “Dagitoy dagiti kosina a pagpuoran dagiti katulongan nga agserserbi iti Templo kadagiti daton dagiti tattao.”

Ti Ubbog nga Aggapu iti Templo

1 Insublinakti lalaki iti pagserkan ti Templo. Adda ubbog nga aggapu iti sirok ti pagserkan ket agpadaya ti ayusna, iti lugar a sinangoan ti Templo. Agpababa ti ayusna a lumasat iti akin-abagatan a paset ti altar.

2 Inruarnak ti lalaki iti masakupan ti Templo ket impagnanak iti akin-amianan a ruangan sanak inturong iti akinruar a ruangan a sumango iti daya. Adda bassit nga ubbog, nga agay-ayus iti akin-abagatan a paset ti ruangan.

3 Babaen iti pagrukodna, nangrukod iti 500 a metro nga agpababa iti daya ket pinapagnanak iti agay-ayus a danum. Pagatlipaylipayko laeng ti danum.

4 Nangrukod manen iti 500 a metro ket pagattumengko ti danum. Nangrukod manen iti 500 a metro ket pagatsiketko ti danum.

5 Nangrukod pay iti 500 a metro; immadalem ti danum ket diak matukod. Adalem unay ket saan a maballasiw malaksid no langoyen.

6 Kinunana kaniak, “Anak ti tao, tandaanam amin dagitoy.”

Insublinak iti igid ti karayan,

7 ket idi dumtengak sadiay, nakitak ti nakaad-adu a kayo iti agsumbangir.

8 Kinunana kaniak, “Agayus daytoy a danum iti daga nga agturong iti daya ket agtarus iti Tanap ti Jordan ken iti Natay a Baybay. Inton dumanon iti Natay a Baybay, pasayaatenna ti raman ti danum.

9 Sadinoman a pagayusan daytoy a karayan, maaddaan iti amin a kita ti animal ken ikan. Pasayaaten daytoy a danum ti raman ti danum ti Natay a Baybay. Mangted iti biag iti sadinoman a pagayusanna.

10 Manipud iti Ubbog ti Engedi agingga iti Ubbog ti Eneglaim, addanto dagiti mangngalap iti igid ti baybay ket ibilagdanto dagiti iketda sadiay. Adunto a kita ti ikan ti masarakan sadiay kas iti masarakan iti Taaw Mediterranean.

11 Ngem agtalinaedto a naapgad dagiti kadandanuman ken libtong iti asideg iti igid ti baybay tapno adda pagtaudan ti asin.

12 Itiagsumbangir nga igid ti karayan, agtubonto ti amin a kita ti kayo a mangted iti taraon. Dinto malaylay dagiti bulongda ket didanto agsardeng nga agbunga. Binulanto nga adda nasayaat a bungada gapu ta kanayon a maay-ayusanda iti danum nga aggapu iti Templo. Agpaayto a taraon dagiti bunga ket maaramat met nga agas dagiti bulongda.”

Dagiti Beddeng ti Daga

13 Kinuna ti Apo aDios, “Dagitoy dagiti beddeng ti daga a pagbibingayan dagiti 12 a tribu. Duanto a paset ti bingay ti tribu ni Jose.

14 Insapatak kadagiti kapuonanyo nga itedko daytoy a daga kadakuada; ita, pagpapadaenyo ti bingay ti tunggal maysa.

15 “Agpadaya ti beddeng iti amianan. Mangrugi iti Taaw Mediterranean, agturong iti siudad ti Hetlon, mapan iti Bessang ti Hamat, iti siudad ti Zedad,

16 kadagiti siudad ti Berota ken Sibraim (addada iti nagbaetan ti beddeng ti pagarian ti Damasco ken ti pagarian ti Hamat), sa dumanon iti siudad ti Ticon (iti asideg ti beddeng ti pagarian ti Hauran).

17 Mangrugi iti amianan a beddeng, aggapu iti Mediterranean nga agpadaya a mapan iti siudad ti Enon. Ket iti amiananna, dagiti beddeng ti Damasco ken Hamat.

18 “Agpa-abagatan ti beddengna iti daya. Mangrugi iti nagbaetan ti sakup ti Damasco ken Hauran. Ti Karayan Jordan ti nagbaetan ti daga ti Israel iti laud ken Galaad iti daya agingga iti Tamar iti Natay a Baybay.

19 “Agpa-abagatan-a-laud ti beddengna iti abagatan. Mangrugi iti Tamar agingga kadagiti nalangto a karuotan ti Kades Meriba sa agpa-amianan-a-laud iti igid ti beddeng ti Egipto agingga iti Taaw Mediterranean.

20 “Ti beddengna iti laud, mangrugi iti Taaw Mediterranean ket agpa-amianan agingga iti laud ti Bessang ti Hamat.

21 “Pagbibingayan dagiti tribuyo daytoy a daga.

22 Kukuayo daytoy iti agnanayon. Inton bingayenyo, maikkan met iti bingay dagiti ganggannaet a makipagnaed kadakayo, agraman dagiti annakda a nayanak ditoy. Maibilangda a pudno nga umili nga Israelita ket makibinnunotda met iti bingayda iti daga a kas kadagiti tribu ti Israel.

23 Tunggal ganggannaet, awatenna ti bingayna iti tribu a pakipagnaedanna.” Daytoy ti sao ti Apo aDios.

Pagbibingayan dagiti Tribu ti Daga

1-7 Agpadaya ti akin-amianan a beddeng ti daga; mangrugi iti Taaw Mediterranean agingga iti siudad ti Hetlon sa aglayon iti Bessang ti Hamat, iti siudad ti Enon ket dumanon iti beddeng dagiti pagarian ti Damasco ken Hamat. Umawat ti tunggal tribu iti maysa a paset ti daga a mangrugi iti akindaya a beddeng nga agpa-laud iti Taaw Mediterranean iti kastoy a panagsasaganad manipud amianan agingga iti abagatan:

Dan

Aser

Neftali

Manases

Efraim

Ruben

Juda

Ti Naisangsangayan a Lugar iti Tengnga ti Daga

8 Mailasin ti sumaruno a paset ti daga nga agpaay iti naisangsangayan a pakausaran. Sangapulo ket dua a kilometro ti kaakabana manipud amianan agingga iti abagatan ket pumada ti kaatiddogna manipud daya nga agpa-laud, kas kadagiti paset a naited kadagiti tribu. Mabangonto ti Templo iti daytoy a lugar.

9 Iti tengnga daytoy a lugar, adda naisangsangayan a paset a maidaton ken ni Yahweh; 12 a kilometro ti kaatiddog ken sangapulo a kilometro ti kaakaba.

10 Adda bingay dagiti papadi iti daytoy nasagradoan a lugar. Manipud iti daya nga agpa-laud agrukod iti 12 a kilometro; manipud amianan nga agpa-abagatan, lima a kilometro. Mabangonto ti Templo ni Yahweh iti tengnga daytoy a lugar.

11 Agpaay kadagiti papadi a kaputotan ni Zadok daytoy nasantoan a lugar. Nagserbida a sipupudno kaniak ket saanda a tinulad dagiti dadduma nga Israelita a nagaramid iti dakes kas kadagiti dadduma a kaputotan ni Levi.

12 Isut’ gapuna a maikkanda iti naisangsangayan a disso a dumna iti bingay dagiti Levita. Isunto ti kasantoan a lugar.

13 Addanto met naisangsangayan a daga dagiti Levita iti abagatan ti bingay dagiti papadi. Sangapulo ket dua a kilometro manipud daga nga agpa-laud ken lima a kilometro manipud amianan nga agpa-abagatan.

14 Ti paset a maidaton ken ni Yahweh ti kapintasan iti daga. Awan ti mailako a pasetna, wenno maisukat wenno maited iti sabali. Nasantoan ken kukua ni Yahweh.

15 Saan a nasantoan ti paset a natda nga agrukod iti 12 a kilometro ti kaatiddogna ken dua ket kagudua a kilometro ti kaakabana. Maaramatto daytoy nga agpaay iti sapasap. Mabalinda a pagnaedan wenno mulaan. Mabangonto ti siudad iti tengngana.

16 Kuadradonto nga aglawa iti 2,250 a metro.

17 Iti likmut ti siudad, addanto bakante a lugar nga agakaba iti 125 a metro.

18 Kalpasan ti pannakaipasdek ti siudad, addanto mabati a paset a dumna iti nasantoan a disso. Naituding daytoy a talonen dagiti tattao nga agnaed iti siudad. Lima a kilometro nga agpadaya ken lima a kilometro nga agpa-laud.

19 Mabalin ti siasinoman nga agtrabaho iti siudad ti agtalon sadiay, uray ania a tribu ti nagtaudanna.

20 Ngarud, kuadrado ti entero a paset a nailasin ket agrukod iti 12 a kilometro ti tunggal bangir. Mairaman iti daytoy ti nakabangonan ti siudad.

21-22 Iti dayaen ken iti lauden iti daytoy a lugar a pagyanan ti Templo, ti daga dagiti papadi, ti daga dagiti Levita ken ti siudad, kukua ti prinsipe a madama nga agturay ti natda a daga. Dumanon iti daya ti akindaya a beddeng ken iti laud iti Taaw Mediterranean ket nabeddengan iti amianan iti lugar a kukua ti Juda ken iti abagatan iti kukua ti tribu ni Benjamin.

Ti Daga a Maited kadagiti dadduma a Tribu

23-27 Iti abagatan daytoy naisangsangayan a lugar, umawat dagiti dadduma a tribu iti maysa a paset ti daga a mangrugi iti akindaya a beddeng agingga iti akinlaud a beddeng iti kastoy a panagsasaganad manipud amianan agingga iti abagatan:

Benjamin

Simeon

Issacar

Zebulon

Gad

28 Iti bangirna ti abagatan ti daga a naited iti tribu ti Gad, agpa-abagatan nga agpa-laud ti beddeng manipud iti Tamar agingga iti nalangto a karuotan ti Kades sa agpa-amianan nga agpa-laud iti beddeng ti Egipto agingga iti Taaw Mediterranean.

29 Kinuna ti Apo aDios, “Kastoy ti pannakabingbingay ti daga a maited kadagiti tribu ti Israel ken ipatawidda kadagiti kaputotanda.”

Dagiti Ruangan ti Jerusalem

30-34 Agdagupiti 12 dagiti ruangan ti siudad. Tallo ti ruangan ti tunggal bakud nga agrukod iti 2,500 a metro; napanaganan ti tunggal ruangan iti nagan ti maysa a tribu. Napanaganan dagiti ruangan iti akin-amianan a bakud iti Ruben, Juda ken Levi; dagiti adda iti akin-abagatan a bakud, Simeon, Issacar ken Zebulon; ket dagiti adda iti laud a bakud, Gad, Aser ken Neftali.

35 Agdagup iti 9,000 a metro ti kaatiddog ti bakud a nanglikmut iti siudad. “Adda-Ditoy-ti-Apo” ti nagan ti siudad manipud idin.